ខេមរ: សិរីមន្ត ទប់ទឹកភ្នែកមិនជាប់ ពេលជួបផ្ទាល់ជាមួយក្មេងៗនៅជំរុំភៀសសឹក ខណៈមូលនិធិលោកនៅតែបន្ត

គិតរហូតមកទល់ពេលនេះ កំពូលតារាចម្រៀងឧកញ៉ា ខេមរ: សិរីមន្ត នៅតែបន្តសកម្មភាពចុះជួយដល់វីរកងទ័ពជួរមុខ និងបងប្អូនជនភៀសសឹកនៅតាមបន្ទាត់ព្រំដែនកំឡុងពេលសង្គ្រាមសៀមឈ្លានពាន។ ក្នុងសកម្មភាពនេះដែរ លោក ខេមរ: សិរីមន្ត ក៏ទប់ទឹកភ្នែកមិនជាប់ដែរ ពេលបានជួបផ្ទាល់ជាមួយក្មេងៗភៀសសឹក។

ជាការពិតចាប់តាំងពីយោធាសៀមឈ្លានពានបូរណ ភាពទឹកដីប្រទេសកម្ពុជា កំពូលតារាចម្រៀង ខេមរ: សិរីមន្ត បានសម្រេចបង្កើតមូលនិធិសប្បុរជនដើម្បីជួយដល់វីរកងទ័ពជួរមុខ និងបងប្អូនភៀសសឹកនៅតាមបន្ទាត់ព្រំដែន ខណ:សកម្មភាពនេះទទួលបានបការគាំទ្រខ្លាំងពីមហាជនទាំងក្នុងនិងក្រៅប្រទេស។

តារាចម្រៀងល្បីឈ្មោះ លោក ខេមរ: សិរីមន្ត បានបញ្ជាក់ថា “ជួបផ្ទាល់កាន់តែស្រណោះអាណិតក្មួយៗខ្លាំ ងណាស់តុក្កតាសម្ភារៈសិក្សានិង ទឹកដោះគោដែលបងប្អូនផ្ញើរតាមរយៈខ្ញុំ ខ្ញុំបានចែកដល់ពួកគាត់ហើយពួ កគាត់សប្បាយរីករាយខ្លាំងណាស់ «នេះហើយ ជាសង្គ្រាម»”។

តារាចម្រៀងឧកញ៉ា ខេមរ: សិរីមន្ត បាននិយាយបន្ថែមទៀតថា “ជួបផ្ទាល់ កាន់តែពិបាកទប់អារម្មណ៍ស្បៀងដែលបងប្អូនផ្ញើតាមរយៈលោកផ្ទាល់ គឺបានទៅដល់បងប្អូនភៀសសឹក និងវីរកងទ័ពទៀតហើយដែលមានចំនួន ៩០០គ្រួសារនិងវីរ:កងទ័ពផងដែរ។

តាមរយ:នៃទង្វើដ៏ល្អរបស់កំពូលតារាចម្រៀង ខេមរ: សិរីមន្ត នេះដែរ កាន់តែទទួលបានការគាំទ្រយ៉ាងខ្លាំងពីសំណាក់មហាជនគ្រប់ទិសទីទូទាំងប្រទេសកម្ពុជា៕ ដោយ: ចាន់រ៉ា