ជីវិតកម្សាន្ដ

ឧកញ៉ា ខេមរៈ សិរីមន្ត បង្ហើបតម្លៃខ្លួនច្រៀងត្រឹមតែ ៦ បទ បានលុយរហូតខ្ទង់ម៉ឺនដុល្លារ

បានផុស

៤ years មុន

នៅ

ថ្ងៃពុធ ៩ មីនា ២០២២

ដោយ

តារាចម្រៀងដែលមានងារជាឧកញ៉ា ខេមរៈ សិរីមន្ត បច្ចុប្បន្នត្រូវបានគេកត់សម្គាល់ឃើញថា លោកមិនត្រឹមតែជោគជ័យលើអាជីពសិល្បៈចម្រៀងប៉ុណ្ណោះទេ គឺថែមទាំងកំពុងក្តោបក្តាប់លើមុខជំនួញអចលនទ្រព្យយ៉ាងណែនពេញដៃទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមគ្នាដែលអាជីពសិល្បៈ និងមុខជំនួញកាន់តែជោគជ័យហើយរីកដុះដាលខ្លាំងនោះដែរថ្មីៗនេះ ស្រាប់តែឧកញ៉ា ខេមរៈ សិរីមន្ត ប្រកាសទម្លាយតម្លៃខ្លួនក្នុងការឡើងឆាកតន្ត្រីច្រៀងត្រឹមតែ ៦ បទប៉ុណ្ណោះបានលុយរហូតខ្ទង់ម៉ឺនដុល្លារ។ ការទម្លាយនេះ បានធ្វើឲ្យអ្នកមហាជន និងអ្នកគាំទ្រជាច្រើនចាប់អារម្មណ៍គ្រប់គ្នា។

បើតាមការបង្ហើបពីសំណាក់តារាចម្រៀងលោក ខេមរៈ សិរីមន្ត បានលើកឡើងកាលពីថ្មីៗកន្លងទៅថា សម្រាប់តម្លៃខ្លួនក្នុងការឡើងច្រៀងតាមឆាកតន្ត្រីម្តងៗគឺកំណត់ចំនួនបទចម្រៀងពោលគឺ ច្រៀងលោកទទួលបានរហូតដល់ទៅ ១០ ០០០ ដុល្លារឯណោះ។ នេះហើយជាចំណុចជោគជ័យមួយលើវិថីសិល្បៈកន្លងមក។

គួររម្លឹកថាកំពូលតារាចម្រៀង គឺលោក ខែម ប៊ុនថៃ ហៅ ខេមរៈ សិរីមន្ត កាលពីថ្មីៗនេះត្រូវបានព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជាបានចេញព្រះរាជក្រឹត្យប្រោសព្រះរាជទានគោរមងារជាឧកញ៉ា។ តាមរយៈដំណឹងនេះដែលភ្លាមៗនោះគេឃើញមានអ្នកគាំទ្រ និងមិត្តភក្តិសិល្បៈរួមអាជីពជាច្រើនបានបង្ហាញការភ្ញាក់ផ្អើលព្រមទាំងសម្តែងការចូលរួមអបអរគ្រប់គ្នា៕

អត្ថបទ៖ ចាន់រ៉ា