លោក ជា វិបុល អំពាវនាវដល់យុវជនខ្មែរ រួមគ្នាលុបបំបាត់បញ្ហាគ្រឿងញៀន ដើម្បីខ្លួនឯង និងសង្គមជាតិ

ពិធីករដ៏ល្បីលោក ជា វិបុល បានចេញមកចែករំលែកនូវសារៈសំខាន់ជូនសាធារណខ្មែរ ជុំវិញផលវិបាក និងផលប៉ះពាល់ដ៏ធ្ងន់ធ្ងរនៃគ្រឿងញៀន និងអំពាវនាវឱ្យយុវជនខ្មែរជៀសឱ្យឆ្ងាយពីគ្រឿងញៀន ព្រោះគ្រឿងញៀនមិនត្រឹមតែបំផ្លាញខ្លួនផ្ទាល់ប៉ុណ្ណោះទេ ថែមទាំងប៉ះពាល់ដល់សង្គមជាតិថែមទៀត។

សារនេះ ធ្វើឡើងស្របពេលកម្ពុជាបិទសន្និបាតបូកសរុបលទ្ធផលការងារប្រយុទ្ធប្រឆាំងគ្រឿងញៀនឆ្នាំ២០២៥ និងលើកទិសដៅការងារឆ្នាំ២០២៦ នៅថ្ងៃសុក្រ ៣រោច ខែផល្គុន ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៦ ខែមីនា ឆ្នាំ២០២៦។

លោក ជា វិបុល បានឱ្យដឹងថា ក្នុងនាមលោកជាកោសិកាសង្គមជាតិមួយរូបលោកសូមផ្តាំផ្ញើ និងស្នើដល់បងប្អូនយុវវ័យទាំងអស់ត្រូវចៀស ឱ្យ្ងឆ្ងាយពីគ្រឿងញៀន គ្រឿងញៀនធ្វើឱ្យប៉ះពាល់ដល់សុខភាព ការសិក្សានិងជីវិតស្រស់ថ្លាររបស់យើងទាំងអស់គ្នា ជាពិសេសវាបំផ្លាញអនាគត់បងប្អូនទាំងអស់គ្នាផងដែរ។

ពិធីករលោក ជា វិបុល បាននិយាយបន្តថា ដើម្បីឱ្យមានសុខភាពល្អ អនាគតល្អសូមប្អូនៗទាំងអស់គ្នានិយាយថាទេចំពោះគ្រឿងញៀ និងក៏ត្រូវចៀសឱ្យឆ្ងាយចំពោះគ្រឿងញៀន។ លោកបន្ថែមដែរថា គ្រឿងញៀនមិនត្រឹមតែបំផ្លាញខ្លួនឯងនិងក្រុមគ្រួសារទេ គឺបំផ្លាញសង្គមជាតិ បំផ្លាញអាយុជីវិត និងប្រទេសជាតិផងដែរ។ ដូច្នេះមានការចូលរួមពីសំណាក់បងប្អូនដើម្បីផ្សព្វផ្សាយពីឥទ្ធិពលដ៏អាក្រក់ និងគ្រោះថ្នាក់នៃការប្រើប្រាស់គ្រឿងញៀនឱ្យបានទាំងអស់គ្នា។

គួររម្លឹកដែរថាកន្លងមកសមាគមសិល្បករខ្មែរបានចាត់ទុកថាសិល្បករសិល្បការិនីទាំងអស់ជាគំរូដ៏សំខាន់សម្រាប់អ្នកគាំទ្រ សាធារណជនជាពិសេស គឺយុវវ័យបក្នុងបរិបទបច្ចុប្បន្នដែលអាចនាំសារអប់រំនិងការយល់ដឹងអំពីផលប៉ះពាលនៃឥទ្ធិពលគ្រឿងញៀន៕ ដោយ : ចាន់រ៉ា