ជីវិតកម្សាន្ដ
ប្រយ័ត្នផង! ជនអនាមិកបង្កើតគណនីហ្វេសប៊ុកក្លែងក្លាយយកឈ្មោះតារាប្រុស រ៉ា វិរ: បន្លំឆបោក
តារាសម្ដែងលោក រ៉ា វិរៈ បើទោះជាផ្អាកសម្ដែងមួយរយៈ តែលោកនៅតែទទួលបានការចាប់អារម្មណ៍ពីអ្នកគាំទ្រ ជាពិសេសគឺពីអ្នកសិល្បៈ ដោយសារតែលោកបានក្លាយជាបុគ្គលជោគជ័យក្នុងមុខជំនួញ។
ជាមួយនឹងភាពជោគជ័យ និងស្របពេលដែលកេរ្តិ៍ឈ្មោះត្រដែតនេះហើយ ទើបលោកត្រូវគេយករូបថត និងឈ្មោះទៅបង្កើតគណនីក្លែងក្លាយ ហើយឆបោកអ្នកដទៃដែលធ្វើឱ្យលោករងការបង្ខូចឈ្មោះ ។
យោងតាមការបង្ហោះរបស់ លោក រ៉ា វិរៈ បញ្ជាក់ថា លោកចាប់បានគណនីក្លែងក្លាយរហូតដល់ជាង ១០អាខោនដែលយករូបលោកទៅប្រើប្រាស់ និងខ្លះប្រើទាំងឈ្មោះរបស់លោកផង ហើយរាល់សកម្មភាពរបស់លោកត្រូវបានជននោះយកទៅបង្ហោះដើម្បីបន្លំភ្នែកគេថា នោះគឺជាគណនីពិតប្រាកដរបស់លោក។
ជនអនាមិកទាំងនោះថែមទាំងដើរឆបោកគេដោយប្រើមធ្យោបាយផ្សេងៗរហូតធ្វើឱ្យមានការភ្ញាក់ផ្អើលផងដែរ។ លោក រ៉ា វិរៈ អះអាងថា លោកបានដឹងពីការបង្កើតគណនីនក្លែងក្លាយ ក្រោយពីមានអ្នកចាញ់បោកគេទាក់ទងមក ហើយអ្នកខ្លះបានផ្ញើគណនីដែលប្រើរូបរបស់លោកជាច្រើនមកឱ្យមើល។
លោកបន្តថា នៅពេលដែលរូបរបស់ខ្លួនត្រូវគេប្រើធ្វើជាគណនីក្លែងក្លាយ ហើយយកឈ្មោះទៅឆបោកគេដែលធ្វើឱ្យអ្នកខ្លះយល់មានការច្រលំ។ លោកមានគម្រោងដាក់ពាក្យបណ្ដឹងឆែករកអ្នកនៅពីក្រោយនៃការបង្កើតគណនីទាំងនោះ ទៅកាន់ភ្នាក់ងារសមត្ថកិច្ច ដើម្បីឱ្យប្រាកដចិត្តថា តើបុគ្គលនោះមានបំណងអ្វីទើបយកឈ្មោះលោកទៅឆបោកបែបនេះ។
លោកក៏ប្រកាសមិនទទួលស្គាល់គណនីទាំងអស់នោះឡើយ ខណៈដែលលោកក៏ទទូច កុំអ្នកទាក់ទងជាមួយគណនីដែលមានរូបលោក កុំឆ្លងឆ្លើយ បើមានករណីខ្ចីលុយខ្ចីកាក់ ឬករណីឱ្យវេរលុយលើមុខជំនួញរបស់លោក។ លោកថា រាល់ថ្ងៃលោករវល់រឿងមុខជំនួញ និងមើលថែភរិយាកំពុងពរពោះ តែមិននឹកស្មានថាមានគេមកបង្ខូចឈ្មោះបែបនឹងឡើយ៕
អត្ថបទ៖ ចាន់រ៉ា
ចុចអាន៖ ស្ទើរមិនជឿ តារាចម្រៀង វណ្ណា ស័ក្តិ មានកូនស្រីធំពេញវ័យយ៉ាងស្រស់ស្អាត
ចុចអាន៖ ផ្តើមចេញពីរឿងស្នេហា តារាខ្មែរ ២ដួង ផុងខ្លួនជាប់ឃុំក្នុងឆ្នាំ២០២១
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត