ជីវិតកម្សាន្ដ

អតីតតារាកំប្លែង ឃ្មឹប ធ្លាក់ខ្លួនធ្វើសន្តិសុខតែក្រុមហ៊ុនមិនបើកលុយឲ្យ

បានផុស

៥ years មុន

នៅ

ថ្ងៃពុធ ២៥ សីហា ២០២១

ដោយ

អតីតតារាកំប្លែងធ្លាប់ល្បីឈ្មោះស្ថិតក្នុងក្រុមនាយ កុយ គឺនាង ឃ្មឹប បន្ទាប់ពីរសាតឃ្លាតឆ្ងាយសិល្បៈមួយរយៈមកឃើញថា ជីវិតនាងកាន់តែធ្លាក់ចុះដុនដាប់ទៅៗស្ទើរមិននឹកស្មានដល់ឡើយ។

យ៉ាងណាមិញពេលនេះក៏ស្រាប់តែមានដំណឹងថា ឃ្មឹប បានធ្លាក់ខ្លួនមកបម្រើការងារជាសន្តិសុខបន្ទាប់ពីផ្តាច់គ្រឿងញៀន។ ប៉ុន្តែអ្វីដែលគេអាណិតទៀតនោះ គឺអ្នកនាង ឃ្មឹប មិនត្រូវបានក្រុមហ៊ុនសន្តិសុខបើកប្រាក់ខែឲ្យទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្អែកតាមការបង្ហោះនៅលើគណនីហ្វេសប៊ុកឈ្មោះ ហ៊ុយ ឧត្តម បានលើកឡើងថា អតីតតារាកំប្លែងល្បីឈ្មោះនាង ឃ្មឹប ធ្លាក់ខ្លួនដោយសារគ្រឿងញៀនបានកែរប្រែជីវិតថ្មីទៅធ្វើសន្តិសុខនៅក្រុមហ៊ុនN M R (អិន អឹម អ )តែក្រុមហ៊ុនមិនបើកលុយអោយទេ។

ប្រភពបន្តថា ខ្ញុំបានទាក់ទងសូមការបកស្រាយពីម្ចាស់ក្រុមហ៊ុន តែម្ចាស់ក្រុមហ៊ុនសន្តិសុខមិនលើកទូរសព្ទ័សោះ ហើយរដ្ឋបាលនៅក្រុមហ៊ុនគាត់ថា គាត់មិនដឹងទេ។

ប្រភពបន្តទៀតថា មានសន្តិសុខផ្សេងទៀតក៏មិនទាន់បើកប្រាក់ខែដែរ តើរឿងនេះជារឿងអយុត្តិធម៌ សម្រាប់ពួកគាត់ឬយ៉ាងណា? ពួកគាត់សុំតែលុយកម្លាំងញើសឈាមរបស់គាត់ដើម្បីចិញ្ចឹមក្រពះតែប៉ុណ្ណោះ ។

ដោយឡែកបើតាមសម្តីអ្នកនាង ឃ្មឹប បានលើកឡើងថា ការងារជាសន្តិសុខនោះ នាងបានប្រាក់ខែតែ១៨០ដុល្លារប៉ុណ្ណោះ ហើយនាងខំធ្វើបានពីរវេន ដូច្នេះប្រាក់ខែត្រូវគុណនឹងពីរ។ នាងនិងដៃគូត្រូវបានថៅកែដូរពីកន្លែងមួយទៅកន្លែងមួយ ហើយមិនបើកប្រាក់ខែឲ្យទេ៕

អត្ថបទ ៖ ចាន់រ៉ា