ជីវិតកម្សាន្ដ

ឆន្ទ:កងទ័ពអាវស ! ជ័យ សុវ៉ាត ទោះបីនឿយហត់ នូវតែញញឹមក្នុងការជួយសង្គ្រោះជីវិតអ្នកជំងឺ កូវីដ១៩

បានផុស

១ ខែ មុន

នៅ

ថ្ងៃសៅរ៍ ១៨ កញ្ញា ២០២១

ដោយ

តារាចម្រៀង លោក ជ័យ សុវ៉ាត កន្លងត្រូវបានមហាជនដឹងហើយថា លោកសុខចិត្តទម្លាក់ចោលក្បាលមេក្រូ និងសំលៀកបំពាក់ជាអ្នកចម្រៀង មកគ្រងឯកសណ្ឋានគ្រូពេទ្យជួរមុខ ប្រយុទ្ធប្រឆាំងជំងឺកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ការបង្ហាញវត្តមានជាគ្រូពេទ្យជួរមុខ ប្រយុទ្ធប្រឆាំងជំងឺកូវីដ-១៩នៃសមាគមគ្រូពេទ្យធីតា ដើម្បីចូលរួមក្នុងសកម្មភាពជួយសង្គ្រោះអ្នកជំងឺកូវី-១៩ របស់លោក ជ័យ សុវ៉ាត បានធ្វើឲ្យមហាជនគាំទ្រនិងសរសើរខ្លាំង ចំពោះទឹកចិត្តលះបង់ដ៏ធំធេងនេះ ។

កន្លងមក លោក ជ័យ សុវ៉ាត ក៏ធ្លាប់បានបង្ហាញឆន្ទ:ដ៏មោះមុតរបស់ខ្លួន ក្នុងនាមជាកងទ័ពអាវស ចូលរួមប្រយុទ្ធប្រឆាំងកំចាត់កូវីដ-១៩ផងដែរ។ លោកថា «កងទ័ពអាវសម្នាក់នេះមិនចុះចាញ់ ហើយក៏មិនរុញរាដាច់ខាត ដើម្បីប្រទេសរបស់យើងឆាប់វិលមករកការសប្បាយ និងមិនមានភាពភ័យខ្លាច ដោយសារមេរោគចង្រៃនេះ។

ជ័យ សុវ៉ាត និយាយថា បច្ចុប្បន្នលោកបានបំពេញតួនាទីជាគ្រូពេទ្យស្ម័គ្រចិត្តផង និងជាតារាចម្រៀងផង គឺលោកដើរទន្ទឹមគ្នា ហើយចំពោះការងារជាគ្រូពេទ្យ គឺប្រឈមខ្លាំង នឹងត្រូវមានការប្រុងប្រយ័ត្នខ្ពស់ ដូចជាត្រូវមានចំណេះដឹងឲ្យបានច្រើន ធ្វើឲ្យអស់ពីកម្លាំងកាយចិត្ត ត្រូវមើលថែអ្នកជំងឺ ៕

អត្ថបទ ៖ ចាន់រ៉ា