ទោះបីបាត់បង់ជីវិត តែតារាកំប្លែង ៥ដួងនេះបានបន្សល់ទុកកេរ្តិ៍ឈ្មោះល្បីរន្ធឺសម្រាប់អ្នកគាំទ្រ

មហាជន និងអ្នកគាំទ្រជាច្រើននៅតែបង្ហាញការចងចាំ ព្រមទាំងនឹករលឹកចំពោះវិរ:សិល្បករ-សិល្បការិនីល្បីៗរបស់ខ្មែរចំនួន ៥ដួង បើទោះបីជាពេលនេះពួកគាត់ត្រូវបានបាត់បង់រូបកាយទៅឆ្ងាយហើយក្តី។

ជាការពិតរហូតមកទល់ពេលនេះគឺអស់រយ:ពេលយូរឆ្នាំកន្លងផុតទៅហើយដែលពួកគាត់បានបាត់បង់ជីវិត ដោយសារហេតុការណ៍ផ្សេងៗគ្នា។ លើសពីនេះគេក៏សង្កេតឃើញថាសម្រាប់តារាកំប្លែងជើងចាស់ទាំង ៥រូបដែលនូវតែរក្សាបានកេរ្តិ៍ឈ្មោះនិងការនឹកអាល័យពីទស្សនិកជនក្រោយពេលបាត់បង់ជីវិតនោះរួមមាន៖

១. តារាកំប្លែងទស្សវត្តឆ្នាំ៩០ នាយ វ៉ាងដឺ គឺជាតារាកំប្លែងដែលបានបង្ករសំណើចក្អាកក្អាយដល់ទស្សនិកជនគ្រប់ស្រទាប់វ័យ។ នាយបានលាចាកលោកអស់រយៈពេលជាង ២០ឆ្នាំមក​ហើយ។

២. តារាកំប្លែងនាត ធូ ចំរុង ហៅ នាយ សានម៉ៅ បានប្រឡូកវិស័យសិល្បៈបុរាណខ្មែរមានរយៈពេលជាង ៤០ឆ្នាំតាមរយ:កំប្លែង និងល្ខោនបាសាក់ជាដើម។ នាយ សានម៉ៅ បាន​ទទួល​មរណ​ភាពកាលពីកំឡុងឆ្នាំ២០១៩ ក្នុងជន្មាយុ ៦០ឆ្នាំ ដោយសាររោគគាពាធ។

៣. តារាកំប្លែង នាយ វីតាមីនសេ ជាតារាកំប្លែងជើងចាស់ដ៏មានប្រជាប្រិយភាព និងទទួលបានការគាំទ្រច្រើនពីមហាជន។នាយបានលាចាកលោកក្នុងវ័យ ៦៩ឆ្នាំ ដោយជំងឺរាំរ៉ៃ។

៤. តារាកំប្លែង និងចម្រៀងអាយ៉ៃ លោកយាយខ្លី ​បានសាងកេរ្ដិ៍ឈ្មោះជាច្រើននៅលើវិស័យសិល្បៈខ្មែរ ជាពិសេសគឺស្នាដៃផ្នែកកំប្លែង។ លោកយាយបាន​ទទួលមរណភាពកាលពីអំឡុងឆ្នាំ ២០១៤ ក្នុង​ជន្មាយុ ៦៣ឆ្នាំ ដោយសារជំងឺ​ប្រចាំកាយ។

៥. តារាកំប្លែង នាយ ស្មាញ ក៏ជាតារាជើងចាស់ល្បីឈ្មោះប្រចាំប្រទេសផងដែរ។ នាយ ស្មាញ បានស្លាប់ក្នុងហេតុការគ្រោះថ្នាក់ចរាចរណ៍កាល​ពីថ្ងៃ ទី២៨ ខែធ្នូ ឆ្នាំ២០១៩។ ដំណឹងនេះបានធ្វើឲ្យមហាជនសោកស្តាយនិងតក់ស្លុតបំផុត៕

អត្ថបទ៖ ចាន់រ៉ា

ចុចអាន៖ ឆន្ទ:កងទ័ពអាវស ! ជ័យ សុវ៉ាត ទោះបីនឿយហត់ នូវតែញញឹមក្នុងការជួយសង្គ្រោះជីវិតអ្នកជំងឺ កូវីដ១៩

ចុចអាន៖ សម្រស់តារាស្រី ៤ដួងក្នុងឈុតប្រពៃណីនារដូវបុណ្យភ្ជុំបិណ្ឌ ពិតជាស្រស់ស្អាតមិនចាញ់គ្នាទេ