ជីវិតកម្សាន្ដ

ខុសជំនាន់ ២៣ ឆ្នាំក៏គ្មានបញ្ហា! មិត្តស្រី Leonardo DiCaprio ប្រកាន់ជំហរការពារស្នេហាខ្លួនដោយមិនខ្វល់សម្ដីរិះគន់

បានផុស

៦ years មុន

នៅ

ថ្ងៃអង្គារ ១ ធ្នូ ២០២០

ដោយ

Sonya

តារាម៉ូឌែលនិងសម្តែងវ័យ ២២ ឆ្នាំបានធ្វើការបញ្ចេញមតិដ៏កម្រមួយពីស្នេហារបស់នាងជាមួយម្ចាស់ពានរង្វាន់ Academy វ័យ ៤៥ ឆ្នាំនៅក្នុងបទសម្ភាសន៍ថ្មីជាមួយកាសែត Los Angeles Times ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិត្តស្រីរបស់តារាសម្ដែងអាមេរិក Leonardo DiCaprio កញ្ញា Camila Morrone បានឆ្លើយតបនឹងការរិះគន់ពីគម្លាតអាយុ ២៣ ឆ្នាំរបស់ពួកគេថា ៖«ខ្ញុំគិតថាមនុស្សម្នាក់ៗគួរតែអាចស្រលាញ់មនុស្សដែលខ្លួនស្រលាញ់»។

Morrone ដែលទទួលបានការសរសើរនៅក្នុងខ្សែភាពយន្តឯករាជ្យរឿង “Mickey and the Bear” បានបន្តថា នាងមិនយល់ពីការរិះគន់ពីភាពខុសគ្នារវាងគូស្នេហ៍ខុសអាយុ ២៣ ឆ្នាំនោះទេ ។ តារាវ័យក្មេងម្នាក់នេះបន្តទៀតថា «មានទំនាក់ទំនងជាច្រើននៅក្នុងហូលីវូដនិងក្នុងប្រវត្តិសាស្ត្រពិភពលោកដែលមនុស្សមានគម្លាតអាយុច្រើន ខ្ញុំគ្រាន់តែគិតថាមនុស្សគ្រប់គ្នាគួរតែអាចស្រលាញ់មនុស្សដែលពួកគេស្រលាញ់»។ ទោះយ៉ាងណា Morrone បាននិយាយថានាងយល់ពីការចាប់អារម្មណ៍របស់អ្នកគាំទ្រចំពោះទំនាក់ទំនងរបស់នាង។

តួឯកប្រុសរឿង កប៉ាល់ទីតានិក លោកLeonardo DiCaprio វ័យ ៤៥ ឆ្នាំ និងតារាម៉ូឌែល Camila Morrone វ័យ ២២ ឆ្នាំបានចាប់ផ្តើមទាក់ទងគ្នា តាំងពីដើមខែមករា ឆ្នាំ ២០១៨ មកម្ល៉េះ៕