ជីវិតកម្សាន្ដ
ការពិត ១១យ៉ាង ពី Anchilee Scott-Kemmis បវរកញ្ញាចក្រវាល ថៃ ឆ្នាំ២០២១
វគ្គផ្ដាច់ព្រ័ត្រ កម្មវិធី កញ្ញាឯកចក្រវាលថៃ ឆ្នាំ ២០២១ កាលពីយប់មិញ បានរកឃើញម្ចាស់ជយលាភីដែលជាអ្នកគ្រងមកុដបវរកញ្ញាឯកគឺបានទៅលើបវរកញ្ញា Anchilee Scott-Kemmis។
នៅយប់ថ្ងៃទី ២៤ ខែតុលានេះ កម្មវិធី កញ្ញាឯកចក្រវាលថៃ ឆ្នាំ ២០២១ ឬ Miss Universe Thailand 2021 ដែលធ្វើឡើងនៅ ផាត់តាយ៉ា បានរកឃើញម្ចាស់ពានរង្វាន់ជំនាន់ថ្មីរបស់ខ្លួន គឺបវរកញ្ញា Anchilee Scott-Kemmis ជាបេក្ខនារីមកពីខេត្ត Cha Choeng Sao។
ជាមួយនឹងរូបសម្រស់ស្រស់ស្អាត ទេពកោសល្យ និងសមត្ថភាពខ្ពស់ បវរកញ្ញារូបនេះ បានយកឈ្នះបេក្ខនារីចំនួន ២៩ នាក់ផ្សេងទៀតមកពីទូទាំងប្រទេស និងបានស្នងតំណែងពីអតីតម្ចាស់មកុដ ២០២០ កញ្ញា Amanda Obdam។
ខាងក្រោមជារឿងពិតសំខាន់ៗមួយចំនួនអំពីបវរកញ្ញាចក្រវាល ថៃ ២០២១៖
១. Anchilee Scott-Kemmis មានឈ្មោះក្រៅ Ann (แอน)។
២. នាងមានកម្ពស់ ១៨៣ ស.ម ហើយឆ្នាំ ២០២១ នេះ នាងមានអាយុ ២២ ឆ្នាំ។
៣. ជាកូនកាត់ថៃ-អូស្ត្រាលី។
៤. ស្រុកកំណើតក្នុងខេត្ត Cha Choeng Sao តែបច្ចុប្បន្នរស់នៅ ក្រុងបាងកក។
៥. ឆ្នាំ ២០០៤ ដល់ឆ្នាំ ២០១៧ បានចូលរៀននៅសាលាអន្តរជាតិ NIST ក្នុងទីក្រុងបាងកក ដែលកាលណោះនាងជាប្រធានក្រុមបាល់ទះរបស់សាលា។
៦. ឆ្នាំ ២០១៧ ដល់ឆ្នាំ ២០២០ ចូលរៀននៅសកលវិទ្យាល័យ Sydney ក្នុងទីក្រុង ស៊ីដនី ប្រទេសអូស្ត្រាលី និងបានបញ្ចប់បរិញ្ញាបត្រសង្គមវិទ្យា នៅទីនោះ។
៧. ខែមិថុនា ដល់ខែកក្កដា ឆ្នាំ ២០១៨ ចូលបម្រើការឱ្យក្រុមហ៊ុនប្រឹក្សាយោបល់អាជីវកម្ម Lee Hecht Harrison (LHH) នៅទីក្រុងបាងកក។
៨. ខែសីហា ដល់ខែធ្នូ ឆ្នាំ ២០១៨ នាងធ្វើជាជំនួយការរដ្ឋបាលឱ្យក្រុមហ៊ុន Balmain Realty ក្នុងទីក្រុងស៊ីដនី។
៩. ចាប់ពីខែមិថុនា ឆ្នាំ ២០១៩ ដល់ខែមករា ឆ្នាំ ២០២០ បម្រើការជាជាអ្នកគ្រប់គ្រងទូទៅឱ្យទីភ្នាក់ងារប្រឹក្សាយោបល់ Potentia នៅទីក្រុងបាងកក ។ ក្នុងអំឡុងពេលដូចគ្នា នាងបានចូលធ្វើការម្ដងទៀតឱ្យក្រុមហ៊ុន LHH ។ នាងត្រឡប់មកពីអូស្ត្រាលី ចូលប្រទេសថៃវិញ ក្នុងឆ្នាំ ២០២០ ក្រោយពេលដែលកូវីដ-១៩រាតត្បាត។
១០. ថ្ងៃទី ៣១ ខែមីនា ឆ្នាំ ២០២១ នាងបានបញ្ចប់វិញ្ញាបនប័ត្រ Type Coach Core C31។
១១. Ann ជាអ្នកស្រាវជ្រាវសង្គម តារាបង្ហាញម៉ូត និងអ្នកតស៊ូមតិ ប្រឆាំងការរិះគន់រូបរាងកាយ។
បវរកញ្ញា Anchilee Scott-Kemmis នឹងតំណាងប្រទេសថៃទៅប្រកួតលើឆាកអន្តរជាតិកញ្ញាឯកចក្រវាលឆ្នាំ ២០២១ នៅទីក្រុង Eilat ប្រទេសអ៊ីស្រាអែល នាថ្ងៃទី ១២ ខែធ្នូ ឆ្នាំ ២០២១ ខាងមុខនេះ៕
ប្រែសម្រួល៖ សន្យា
ចុចអាន៖ កំពូលតារាថៃ ជាប់ជាស្រីស្អាតលើសគេ និងជាសេដ្ឋីនីមានទ្រព្យសម្បត្តិវាល់លានដុល្លារ ក្នុងវ័យក្មេងខ្ចី
ចុចអាន៖ ឈុតតំណាងជាតិ បវរកញ្ញាចក្រវាលកម្ពុជា ទាំង ១៩រូប បង្កប់អត្ថន័យមុតជ្រៅនៃវប្បធម៌ខ្មែរ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ