ជាការគួរឲ្យសរសើរ ទៅដល់តារាខ្មែរទាំងនេះ ដែលបានផលិតបទចម្រៀងOriginalទទួលបានការទស្សនាយ៉ាងច្រើនពីអ្នកគាំទ្រជាតិ និងអន្តរជាតិ។ ថ្ងៃនេះកម្ពុជាថ្មី សូមលើកយកចម្រៀង ៥ បទដែលទទួលបានការចូលទស្សនាច្រើនជាងគេនៅលើប្រព័ន្ធសង្គមយូធូប

១. បទ Are you okay ពី កញ្ញា តន់ ច័ន្ទសីម៉ា

Are you okay ត្រូវបានផលិតឡើងនៅក្រោមផលិតកម្ម Galaxy Navatra បានផុសនៅលើសង្គមយូធូបនៅថ្ងៃទី ០៤ ខែវិច្ឆិកា ឆ្នាំ ២០២១ ច្រៀងដោយ កញ្ញា តន់ ច័ន្ទសីម៉ា ដែលមានអ្នកទស្សនាដល់ទៅ ១០៥ លានដង គិតត្រឹមថ្ងៃទី ០៦ ខែធ្នូ ឆ្នាំ ២០២១ និងមានចំនួនអ្នកLike ៤២៦ ម៉ឺននាក់ ។

២. បទ Time To Rise ពី លោក វណ្ណដា និងព្រឹទ្ធាចារ្យ គង់ ណៃ

Time To Rise ត្រូវបានផលិតឡើងនៅក្រោមផលិតកម្ម បារមី បានផុសនៅលើសង្គមយូធូបនៅថ្ងៃទី ២៨ ខែមិនា ឆ្នាំ ២០២១ ច្រៀងដោយ លោក វណ្ណដា និងព្រឹទ្ធាចារ្យចាប៉ីដងវែង គង់ ណៃ ដែលមានអ្នកទស្សនាដល់ទៅ ៧៩ លានដង គិតត្រឹមថ្ងៃទី ០៦ ខែធ្នូ ឆ្នាំ ២០២១ និងមានចំនួនអ្នកចុចLike ១.៤ លាននាក់។

៣. បទ ម្ដាយ( MAMA ) ពី លោក វណ្ណដា និងក្មេងខ្មែរ

ម្ដាយ ឬ ( MAMA ) ត្រូវបានផលិតឡើងនៅក្រោមផលិតកម្ម បារមី និង Vydia WMG បានផុសនៅលើសង្គមយូធូបនៅថ្ងៃទី ២៤ ខែមិនា ឆ្នាំ ២០២០ ច្រៀងដោយ លោក វណ្ណដា និងក្រុមក្មេងខ្មែរ( ពន្លឺ និង សុជាតិ ) ដែលមានអ្នកទស្សនាដល់ទៅ ៦១ លានដង គិតត្រឹមថ្ងៃទី ០៦ ខែធ្នូ ឆ្នាំ ២០២១ និងមានចំនួនអ្នកចុចLike ៥៨៥ ម៉ឺននាក់។

៤. បទ មាន់ស្រែ ពី កញ្ញា វ៉ាប៊ី

មាន់ស្រែ ត្រូវបានផលិតឡើងនៅក្រោមផលិតកម្ម Town បានផុសនៅលើសង្គមយូធូបនៅថ្ងៃទី ១៩ ខែមិនា ឆ្នាំ ២០១៨ ច្រៀងដោយ កញ្ញា រ៉ាប៊ី ដែលមានអ្នកទស្សនាដល់ទៅ ៦០ លានដង គិតត្រឹមថ្ងៃទី ០៦ ខែធ្នូ ឆ្នាំ ២០២១ និងមានចំនួនអ្នកចុចLike ១៤៤ ម៉ឺននាក់។

៥. បទ រាំអីចេះ លោក ព្រាប សុវត្ថិ និងអ្នកនាង ឱក សុគន្ធកញ្ញា

រាំអីចេះ ត្រូវបានផលិតឡើងនៅក្រោមផលិតកម្ម ហង្សមាស បានផុសនៅលើសង្គមយូធូបនៅថ្ងៃទី ០៣ ខែមេសា ឆ្នាំ ២០១៧ ច្រៀងដោយ លោក ព្រាប សុវត្ថិ និងអ្នកនាង ឱក សុគន្ធកញ្ញា ដែលមានអ្នកទស្សនាដល់ទៅ ៥៥ លាននាក់ គិតត្រឹមថ្ងៃទី ០៦ ខែធ្នូ ឆ្នាំ ២០២១ និងមានចំនួនអ្នកចុចLike ១២៩ ម៉ឺននាក់។

អត្ថបទ៖ ផានិត