តួ តាណាំ ក្នុងរឿង Squid Game បង្កើតប្រវត្តិសាស្ត្រកូរ៉េដំបូងគេ ឈ្នះពានពី Golden Globes

យោងតាមការចុះផ្សាយដោយ Allkpop បានឱ្យដឹងថា តារាសម្ដែងវ័យចំណាស់មកពីកូរ៉េខាងត្បូង ដែលដើរតួជា តាណាំ ក្នុងរឿង Squid Game បានឈ្នះពានមាសជាតារាឆ្នើម សម្រាប់ឆ្នាំ២០២២ ក្នុងកម្មវិធីមួយ នៅឯទីក្រុង Los Angeles សហរដ្ឋអាមេរិក។

កាលពីថ្ងៃទី ០៩ ខែមករា ឆ្នាំ២០២២ កន្លងទៅថ្មីៗនេះ ព្រឹត្តិការណ៍អបអរសាទរតារាមានទេពកោសល្យក្នុងខ្សែភាពយន្ត និងទូរទស្សន៍ “Golden Globes Awards” បានប្រារព្ធកម្មវិធីខ្លួនលើកទី៧៩ និងប្រកាសអ្នកឈ្នះពានរង្វាន់ប្រចាំឆ្នាំជាច្រើនរូប ក្នុងនោះតារាសម្ដែង O Yeong Su ឬតាណាំ គឺជាអ្នកឈ្នះពានរង្វាន់តារាសម្តែងឆ្នើមក្នុងទូរទស្សន៍ (Best Supporting Actor in Television) របស់កម្មវិធីនេះ។

ក្រោយប្រកាសម្ចាស់ជយលាភី លោកតា O Yeong Su ដែលមានវ័យ ៧៧ឆ្នាំ បានក្លាយជាតារាសម្តែងកូរ៉េដំបូងគេក្នុងប្រវត្តិសាស្ត្រ Golden Globes Awards ដែលបានឈ្នះពានរង្វាន់មាសមួយនេះ៕

ប្រែសម្រួល៖ សន្យា

ចុចអាន៖ Lisa បំបែកកំណត់ត្រាថ្មីមួយទៀត នៅលើទស្សនាវដ្ដី Forbes

ចុចអាន៖ ជីវប្រវត្តិដ៏កម្សត់ នៃជីវិតកូនប្រុស តារាក្បាច់គុន លី សៀវឡុង ស្លាប់ក្រោមអាថ៌កំបាំង ស្រដៀងនឹងឪពុក