ជីវិតកម្សាន្ដ

តារាពហុជំនាញ ខាត់ សុឃីម ពន្យល់រឿងម្តាយចេញទៅអាមេរិក

បានផុស

៣ years មុន

នៅ

ថ្ងៃសុក្រ ១៤ មករា ២០២២

ដោយ

ភ្នំពេញ ៖ តារាពហុជំនាញអ្នកនាងខាត់ សុឃីម ថ្មីៗនេះបានបង្ហាញអារម្មណ៍សប្បាយរីករាយនិងក្រេកអរខ្លាំងបន្ទាប់ពីអ្នកម្តាយជាទីស្រលាញ់របស់ខ្លួនបានជាប់សម្ភាសន៍ចេញទៅដើរលេងនៅលើទឹកដី សហរដ្ឋអាមេរិកក្រោមការទំនុកបម្រុងពីកូនៗនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមគ្នានេះ គេក៏ឃើញមានមតិជាច្រើនបានផ្ញើសារជូនពរនិងចូលរួមអបអរផងដែរ។ ប៉ុន្តែដោយឡែកមានមតិខ្លះហាក់មិនពេញចិត្តនិងថែមទាំងធ្វើការរិះគន់លើដំណើរចេញទៅអាមេរិករបស់ម្តាយអ្នកនាង ខាត់ សុឃីម ទើបធ្វើឲ្យតារាស្រីរូបនេះចេញមុខពន្យល់ច្បាស់ៗទៅវិញ។

តាមសម្តីរបស់តារាស្រីអ្នកនាង ខាត់ សុឃីម បានរៀបរាប់ថា អរគុណបងប្អូនទាំងអស់ដែលបានខមមិនជូនពរផ្សេងៗច្រើន(ការដែលម្តាយខ្ញុំទៅUSA ១.គាត់ចង់ស្គាល់ស្រុកគេ ។២.កូនៗមានជីវភាពធូរគ្រាន់ហើយអាចអោយម្តាយម្នាក់ មានសុខភាពល្អ សប្បាយចិត្តរស់នៅ ជុំកូនចៅបានយូរ។

អ្នកនាង ខាត់ សុឃីម បន្តទៀតថា ធុញខ្មែរទៅអាមេរិកធុញអាមេរិកមកខ្មែរទៅបានហើយកូនៗទាំង៩គាត់មានសមត្ថភាពទិញសំបុត្រយន្តហោះអោយគាត់ទៅមកបាន។ បងប្អូនអ្នកខមមិនមួយចំនួនដូចជាជ្រុលចំពោះគ្រួសារខ្ញុំពេកហើយដើម្បីក្តីសុខម្តាយខ្ញុំពួកយើងត្រូវតែធ្វើដើម្បីគាត់។ក្តីសុខរបស់គ្រួសារខ្ញុំ។

ការចេញមុខពន្យល់និងបកស្រាយយ៉ាងច្បាស់ៗរ បស់អ្នកនាង ខាត់ សុឃីម ខាងលើបានធ្វើឲ្យម ហាជននិងអ្នកគាំទ្រមួយចំនួនទៀតយល់កាន់តែច្បាស់ចំពោះទឹកចិត្តរបស់កូនៗដែលមានមកលើអ្នកម្តាយដែលមានគុណបំណាច់ខ្លាំងគ្មានអ្វីប្រៀបបានឡើយ៕

ដោយ ៖ ចាន់រ៉ា