ពេជ្រ សូលីកា ទ្រាំ​លែង​បានដាក់​មួយ​ម៉ាត់ ឲ្យ​​ធូរ​ស្រលះ​ពី​ទ្រូង

ភ្នំពេញ៖ តារាចម្រៀងស្រីកូនមួយអ្នកនាង ពេជ្រ សូលីកា ហាក់​មួម៉ៅ​ក្នុង​ចិត្ត​រឿងអ្វីមួយ ទ្រាំ​លែង​បាន​បង្ហោះ​សារដៀមដាម​បង្កប់ន័យ​​យ៉ាង​ចាក់​ដោត​។ អ្នកនាង ពេជ្រ សូលីកា បានថ្លែងរៀ​បរាប់ថា បើគេស្អប់អ្នក ទោះបីអ្នកប្រឹងធ្វើល្អប៉ុណ្ណា​ ក៏គេរកកន្លែងទើ​សអ្នកទាល់តែបាន។ ផ្គាប់ចិត្តមនុស្សគ្រប់គ្នាមិនបានទេ ប្រឹងធ្វើល្អឲ្យអស់ពីចិត្តទៅ បើគេមិនពេញចិត្ត ជារឿងរបស់គេ។

តារាស្រីរូប​នេះបន្ត សូមកុំចំណាយខួរក្បា​ល នឹងពេលវេលាលើមនុស្សអវិជ្ជមានច្រើនពេក។ យ៉ាង​ណា​ពាក្យ​ពេចន៍​យ៉ាង​ចាក់ដោត​នេះ តាម​នាងបញ្ជាក់គ្រាន់តែសម្រង់ចេញពីសៀវភៅកម្លាំងចិត្តរបស់លោកគ្រូគូ សុភាព ប៉ុ​ណ្ណោះ​។

ថ្វីត្បិតអាជីពសិល្បៈរបស់នាងបច្ចុ​ប្បន្នហាក់មានភាពស្ងប់ស្ងាត់ ការរក្សាបានប្រជាប្រិយភាពនិងការគាំទ្រនៅលើទីផ្សារសិល្បៈរបស់តារាស្រីរូបស្រស់អ្នកនាង ពេ​ជ្រ សូលីកា នេះគឺផ្តើមចេញពីភាពអត់ធ្មត់រួមផ្សំនឹងការប្រើប្រាស់ចរិកលក្ខណៈយ៉ាង​សមញ្ញនាំឲ្យទស្សនិកជនភាគច្រើនលួចសរសើរនិងគោរពរាល់ទង្វើរឬសកម្មភាពរបស់នាង៕