ជីវិតកម្សាន្ដ

ទេព រិន្ទដារ៉ូ រម្លឹកអនុស្សាវរីយ៍គ្រាមួយថា «ជីវិតពោរពេញដោយក្តីសុខបំផុត»

បានផុស

៤ years មុន

នៅ

ថ្ងៃចន្ទ ៧ កុម្ភៈ ២០២២

ដោយ

តារាសម្តែងប្រុសជើងចាស់ល្បីឈ្មោះលោក ទេព រិន្ទដារ៉ូ រហូតមកទល់បច្ចុប្បន្ននេះ គឺលោកបានប្រឡូកក្នុងវិស័យសិល្បៈមានរយ:ពេលប្រមាណជាង៣០ឆ្នាំហើយ ខណ:ដែលការគាំទ្រនិងមានប្រជាប្រិយភាពនៅតែរក្សាបានខ្ពស់ដូចដើមលើវិស័យភាពយន្តខ្មែរ។

ដោយសារតែហេតុផលនេះហើយទើបលោក ទេព រិន្ទដារ៉ូ តែងបង្ហាញពីការដឹងគុណចំពោះមហាជនដែលបានគាំទ្រលោកតាំងពីដើមរៀងមក។ តួយ៉ាងកាលពីកន្លងទៅនោះតារាសម្តែងលោក ទេព រិន្ទដារ៉ា ក៏បានបញ្ចេញសារអរគុណដល់អ្នកគាំទ្រផងដែរ។

ដោយឡែករឿងដែលធ្វើឲ្យអ្នកគាំទ្រចាប់អារម្មណ៍ខ្លាំងទៀតនោះ គឺលោក ទេព រិន្ទដារ៉ូ ថ្មីៗនេះបានទម្លាយរូបភាពជាច្រើនសន្លឹកអំឡុងឆ្នាំ១៩៩៩ ជាមួយការរម្លឹកនូវអនុស្សាវរីយ៍ដ៏ល្អៗ។ ពិសេសលោកក៏បានពោលពាក្យថា ក្នុងដំណាក់កាលនោះជីវិតពោរពេញដោយក្តីសុខខ្លាំងបំផុត។

លោក ពេទ រិន្ទដារ៉ូ បានរៀបរាប់ដូច្នេះថា រកបានរូបថតមួយចំនួនក្នុងកំឡុងឆ្នាំ១៩៩៩ នឹកដល់អនុស្សាវរីយ៍គ្រានោះ ជីវិតពោរពេញទៅដោយសេចក្តីសុខកំលាំងខ្លាំងក្លា ចិត្តមុះមុតជោគជ័យការងារ ។ ជាមួយគ្នានោះក៏មានអ្នកគាំទ្រនៅតែពោលសរសើរចំពោះប្រជាប្រិយភាពរបស់លោក ទេព រិន្ទដារ៉ូ ផងដែរ។

សូមបញ្ជាក់ដែរថា លោក ទេព រិន្ទដារ៉ូ គឺជាតារាជើងចាស់មួយរូបដែលចូលប្រឡូកក្នុងវិស័យសិល្បៈផ្នែកសម្តែងអស់រយៈពេល៣ទសវត្សរ៍ជាងមកម្ល៉េះ និងមានប្រជាប្រិយភាពមិនរីងស្ងួតមកដល់សព្វថ្ងៃ ។ លោកក៏តែងទទួលបានការគាំទ្រនិងសរសើរខ្លាំងចំពោះសមត្ថភាពនិងភាពរុះរាយរាក់ទាក់អ្នកនៅជុំវិញខ្លួន៕

អត្ថបទ៖ ចាន់រ៉ា