ជីវិតកម្សាន្ដ

ជ័យ សុវ៉ាត ប្រកាសសុំឈាមជួយសង្គ្រោះជីវិតក្មេងកំព្រាម្នាក់ដែលឆ្លងជំងឺកូវីដ-១៩

បានផុស

៤ years មុន

នៅ

ថ្ងៃពុធ ៩ មីនា ២០២២

ដោយ

ភ្នំពេញ ៖ ជាកងទ័ពអាវសប្រយុទ្ធប្រឆាំងកូវីដ-១៩ និងតារាចម្រៀងរូបសង្ហាលោកជ័យ សុវ៉ាតបានធ្វើឲ្យមហាជនចាប់អារម្មណ៍ជាថ្មីបន្ទាប់ពីលោកបានចេញមុខអំពាវនាវដល់សប្បុរសជនសុំការចូលរួមបរិច្ចាគឈាមដើម្បីជួយសង្គ្រោះជីវិតក្មេងកំព្រាម្នាក់ដែលឆ្លងជំងឺកូវីដ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតតារាចម្រៀងលោក ជ័យ សុវ៉ាត កន្លងត្រូវបានមហាជនដឹងហើយថាលោកសុខចិត្តទម្លាក់ចោលក្បាលមេក្រូនិងសម្លៀកបំពាក់ជាអ្នកចម្រៀងមកគ្រងឯកសណ្ឋានគ្រូពេទ្យជួរមុខប្រយុទ្ធប្រឆាំងជំងឺកូវីដ-១៩។ សម្រាប់ការបង្ហាញវត្តមានជាគ្រូពេទ្យជួរមុខប្រយុទ្ធប្រឆាំងជំងឺកូវីដ-១៩នៃសមាគមគ្រូពេទ្យធីតា ដើម្បីជួយសង្គ្រោះអ្នកជំងឺកូវី-១៩ពីសំណាក់ លោក ជ័យ សុវ៉ាត នេះដែរបានធ្វើឲ្យមហាជនគាំ ទ្រនិងសរសើរចំពោះទឹកចិត្តលះបង់ដ៏ធំធេងនេះ។

ដោយឡែកកាលពីល្ងាចថ្ងៃទី០៨ ខែមីនា ឆ្នាំ២០២២ ម្សិលមិញលោក ជ័យ សុវ៉ាត បានប្រកាសនៅលើគណនីហ្វេសប៊ុកថា តោះបងប្អូនស៊ែររកអ្នកដែលអាចជួយប្អូនបាន។ សួស្ដីបងៗខ្ញុំមានអ្នកជំងឺម្នាក់ជាក្មេងកំព្រាបានឆ្លងជំងឺកូវីដខ្វះឈាមហើយមានសភាពស្លេកស្លាំងខ្លាំងត្រូវការបញ្ចូលឈាមបន្ទាន់បើមានបងប្អូនណាចង់បរិច្ចាគ សូមទាក់ទងមកខ្ញុំផ្ទាល់។ ខ្ញុំកំពុងនៅព្យាបាលអ្នកជំងឺកូវីដនាស្ដាត់អូឡាំពិក, ០៩៦ ៩០៦ ០៩ ០២។

ក្រោយពីការប្រកាសរបស់លោក ជ័យ សុវ៉ាត នេះគេឃើញមានអ្នកគាំទ្រនិងប្រើប្រាស់បណ្តាញសង្គមមួយចំនួនបានបង្ហាញការគាំទ្រនិងខ្លះទៀតក៏បានសម្រេចថា ចូលរួមបរិច្ចាគឈាមដើម្បីជួយសង្គ្រោះជីវិតក្មេងកំព្រាខាងលើផងដែរ។ សូមបញ្ជាក់ថា កន្លងមកលោក ជ័យ សុវ៉ាត ក៏ធ្លាប់បានបង្ហាញឆន្ទ:ដ៏មុសមុតរបស់ខ្លួនក្នុងនាមកងទ័ពអាវសចូលរួមប្រយុ ទ្ធប្រឆាំងចំចាត់កូវីដ-១៩។លោកអះអាងថាកងទ័ពអាវសម្នាក់នេះមិនចុះចាញ់ ហើយក៏មិនរុញរាដាច់ខាតក្នុងការចូលរួមប្រយុទ្ធប្រឆាំងនិងទប់ស្កាត់ជំងឺកូវីដ-១៩៕

ដោយ ៖ ចាន់រ៉ា