ជីវិតកម្សាន្ដ

ក្រោយមហាជនរិះគន់មួយប្រទេស Jooy បកស្រាយទាំងទឹកភ្នែក មូលហេតុមិនទៅបុណ្យសព Tangmo

បានផុស

៣ years មុន

នៅ

ថ្ងៃពុធ ១៦ មីនា ២០២២

ដោយ

អ្នកនិយមលេងអ៊ីនធឺណែត បានធ្វើទុក្ខបុកម្នេញខ្លាំង ដោយនាំគ្នាដាក់ hashtag យ៉ាងក្ដៅគគុកលើ Twitter ដល់គូស្នេហ៍ល្បីឈ្មោះ Warattaya Nilkuha ឬ Jooy និងស្វាមី Puttichai Kasetsin បន្ទាប់ពីមិនឃើញទៅបុណ្យសព Tangmo។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយមក នៅថ្ងៃទី១៥ នាងក៏បានធ្វើការ Live តាមរយៈ Instagram ផ្ទាល់ខ្លួន ដោយពន្យល់លម្អិតទាំងទឹកភ្នែកនិងមូលហេតុ ដើម្បីឲ្យមនុស្សគ្រប់គ្នាយល់អំពីស្ថានភាពដែលបានកើតឡើងចំពោះនាង ជាពិសេសចំពោះបញ្ហាសុខភាពដែលត្រូវការយកចិត្តទុកដាក់ជាពិសេស។

នាងនិងស្វាមីសោកស្ដាយយ៉ាងខ្លាំង ចំពោះមរណភាពរបស់ Tangmo។ ប៉ុន្តែមូលហេតុចម្បងដែលមិនចូលរួមពិធីកាន់ទុក្ខ នោះគឺដោយសារនាងកំពុងមើលថែសុខភាពយ៉ាងតឹងរ៉ឹង ដើម្បីមានកូន។ ប្រសិនបើឆ្លងកូវីដ អ្វីគ្រប់យ៉ាងដែលនាងបានធ្វើអស់ជាច្រើនឆ្នាំ នឹងត្រូវខ្ជះខ្ជាយ។

គូស្នេហ៍ទាំងពីរនេះក៏បន្ថែមថា ” ម្យ៉ាងទៀតខ្ញុំចង់ឲ្យអ្នកប្រើគំនិតក្នុងការបញ្ចេញមតិ។ ខ្ញុំចង់ឲ្យអ្នកយល់ពីយើងទាំងពីរ ។ ចំពោះរឿងនេះ ខ្ញុំសុំទោសអ្នកទាំងអស់គ្នា កុំប្រកាន់ខឹង ខ្ញុំមិនចង់ខ្វល់ខ្វាយពីកម្មផល ឬសំណល់កម្មដែលបណ្ដាលមកពីការធ្វើឲ្យខូចចិត្តគ្នាទៅវិញទៅមកឡើយ ។ ហើយក៏អរគុណចំពោះការលើកទឹកចិត្តពីមិត្តភ័ក្ដិ អ្នកគាំទ្រ រួមទាំងមនុស្សជិតស្និទ្ធ ដែលយល់ពីពួកយើង” ។

យ៉ាងណាក៏ដោយ ទោះបីជាតារាសម្ដែងរូបនេះ មិនមែនជាមនុស្សដែលស្និទ្ធស្នាលនឹង Tangmo មិនមានលេខទូរស័ព្ទ មិនបានជជែក ឬមិនដែលនិយាយគ្នាតាំងពីចូលក្នុងវិស័យនេះ ជាង២០ឆ្នាំ ប៉ុន្តែនាងតែងទស្សនាកម្មវិធី រឿងភាគដែលស្វាមីនាងសម្ដែងជាមួយ Tangmo ជាពិសេសរឿងរ៉ាវរបស់ Tangmo តែម្ដង៕

ប្រែសម្រួល៖ សាង ស្រីល័ក្ខ

ចុចអាន៖ឃ្លិបវីដេអូរបស់ Tangmo បង្ហាញក្នុងពិធីកាន់ទុក្ខ ធ្វើឲ្យអតីតស្វាមីនាងយំខ្សោះខ្លួន

ចុចអាន៖តារាល្បីៗទាំងនេះ មរណភាពទាំងវ័យក្មេង ផ្អើលសិល្បៈ ថៃ សឹងមិនជឿ