Paing Takhon បង្ហាញខ្លួនជាថ្មី ជាមួយនឹងការងារថតស្ពតឱ្យប្រេនអន្តរជាតិធំមួយ

បន្ទាប់ពីបានដោះលែង រយៈ ៣សប្ដាហ៍កន្លងមក ពេលនេះតារាសម្ដែងមីយ៉ាន់ម៉ា លោក Paing Takhon បានចូលមកបម្រើអារម្មណ៍ទស្សនិកជនម្ដងទៀត ដោយការថតផ្សាយស្ពតគ្រឿងលង្ការល្បីមួយ ជាមួយនឹងស្ទីលតែងខ្លួនបែបថ្មី ជះរាងសង្ហាកាន់តែខ្លាំង។

កាលពីពេលថ្មីៗនេះ តារាសម្ដែង និងម៉ូឌែល Paing Takhon បានបង្ហោះរូបថតនៅលើគណនីហ្វេសប៊ុកផ្ទាល់ខ្លួនជាច្រើនសន្លឹក ជាមួយនឹងសម្លៀកបំពាក់ពណ៌ក្រហមឆ្អិនឆ្ពៅ សម្ញែងសុទ្ធតែមាសពេជ្រជ្រែកខ្លួន ខណៈរូបទាំងនោះត្រូវគេបានដឹងថា ជាការផ្សព្វផ្សាយគ្រឿងអលង្ការរបស់យីហោអន្តរជាតិ Louis Vuitton (LV)។ 

​ក្រោយលេចវត្តមានក្នុងវិស័យសិល្បៈជាថ្មី អ្នកគាំទ្រតារាវ័យ ២៥ឆ្នាំ​រូប​នេះ បានបង្ហាញនូវរំភើប និងត្រេកអរជាខ្លាំង ព្រោះលោកបានជាប់ពន្ធធនាគារជិត ១ឆ្នាំមកហើយ ទើបតែដើមខែមីនា ឆ្នាំ២០២២នេះ Paing Takhon ត្រូវបានដោះលែងឱ្យមានសេរីភាពឡើងវិញ៕

​អត្ថបទ៖ សន្យា

ចុចអាន៖ មើលសឹងមិនស្គាល់ តារាម៉ូដែល មីយ៉ាន់ម៉ា Paing Takhon ក្រោយចេញពីពន្ធនាគារម្សិលមិញ (មានវីដេអូ )

ចុចអាន៖ តាមពិតឧទ្ធម្ភាគចក្រ ដែលប្រើថតក្នុងភាពយន្តហូលីវូដ Fast and Furious 9 ជារបស់ក្រុមហ៊ុនខ្មែរ