ក្រោយខកខាន ៣ ឆ្នាំ តារាម៉ូដែលមីយ៉ាន់ម៉ា Paing Takhon នឹងមកដល់កម្ពុជាល្ងាចនេះ

ជាដំណឹងមួយដ៏រំភើបក្រៃលែងនិងភ្ញាក់ផ្អើលជាខ្លាំងដល់អ្នកគាំទ្រកម្ពុជា បន្ទាប់ពីលោក សៀក លីដា ម្ចាស់ផលិតកម្ម LD picture បានប្រកាសថា តារាម៉ូដែលមីយ៉ានម៉ា លោក Paing Takhon នឹងមកដល់​ប្រទេស​កម្ពុជា នៅវេលាម៉ោង ៤:៣០ រសៀលនេះហើយ។

តាមរយៈបណ្ដាញសង្គមផ្ទាល់របស់អ្នកដឹកនាំឆ្នើមរូបនេះបានសរសេរសារយ៉ាងវែងអន្លាយថា “After waiting 3 year, Finally we make it , Welcome to Cambodia បងប្អូនណាដែលជា Fan របស់គាត់អាចជួបគាត់ផ្ទាលនិងថតរូបជាមួយគាត់បាននៅប្រលានយន្ត ម៉ោង៤ល្ងាច, អរគុណ ដល់សន្តិភាព របស់កម្ពុជាក្រោមការដឹកនាំរបស់សម្តេចពុក ដែលធ្វើឲ្យ​ប្រទេសយើងមាន​ទំនាក់ទំនង​ល្អ​ជាមួយ​គ្រប់​ប្រទេស។ អរគុណដល់ក្រសួងវប្បធម៌ ជាពិសេសនាយកដ្ឋាន​ភាពយន្ត និង​លោក Pok Borak ដែលតែងតែជួយដោះស្រាយ​បញ្ហា​លើ​គំរោងភាពយន្ត​របស់​ផលិតករ​គ្រប់រូប អរគុណ”។

យ៉ាងណាមិញក្រោយការប្រកាសមិនបានប៉ុន្មានផង អ្នកគាំទ្រកម្ពុជាជាច្រើនហាក់មានក្ដីរំភើបយ៉ាងខ្លាំងនិងសឹងមិនជឿថា លោកនឹងបង្ហាញវត្តមានលើទឹកដីកម្ពុជាម្ដងទៀតនោះទេ។ ជាពិសេសទស្សនិកជនខ្មែរបានចូលទៅស៊ែរនិងបញ្ចេញមតិគាំទ្រថា ពួកគេនឹងទៅអមដំណើរកំលោះសង្ហាមីយ៉ាន់ម៉ាពេលមកដល់ប្រលានយន្តហោះជាក់ជាមិនខានឡើយ។

ទោះយ៉ាងណា នេះមិនមែនជាលើកទីមួយទេដែលតារាម៉ូដែលស្រស់សង្ហារូបនេះមកប្រទេសកម្ពុជា ដោយកាលពីប៉ុន្មានឆ្នាំមុនលោកបានមកដល់ប្រទេសកម្ពុជាម្ដងរួចទៅហើយដើម្បីថតភាពយន្តខ្នាតធំរឿង “នាឡិការដាស់វិញ្ញាណវគ្គ ២ ឬ Red Wall” របស់ផលិតកម្ម​ LD ជាមួយម្ចាស់មកុដ Miss Grand Cambodia 2021 កញ្ញា ប៉ូ គីមថេងសុទ្ធធីតា៕

អត្ថបទ៖ សាង ស្រីល័ក្ខ

ចុចអាន៖Paing Takhon បង្ហោះសាររំលឹកការឈឺចាប់ខ្លាំង និងទុក្ខលំបាកកាលពីឆ្នាំមុន ក្នុងពន្ធនាគារ