ជីវិតកម្សាន្ដ

រឿង ៥ យ៉ាងពី Paing Takhon តារាម៉ូដែលមីយ៉ាន់ម៉ា ធ្លាប់ប្រឆាំងនឹងរដ្ឋប្រហារកន្លងមក

បានផុស

១ year មុន

នៅ

ថ្ងៃសុក្រ ១២ ឧសភា ២០២៣

ដោយ

តារាម៉ូដែលមីយ៉ាន់ម៉ា Paing Takhon ត្រូវគេស្គាល់យ៉ាងច្បាស់ថា លោកគឺជាបុគ្គលដែលហ៊ានចេញមកតវ៉ាប្រឆាំងនឹងរដ្ឋប្រហារក្នុងប្រទេសមីយ៉ាន់ម៉ា កាលពីថ្ងៃទី ០១ ខែកុម្ភៈ ឆ្នាំ២០២១។ នាពេលនោះ តារាល្បីៗប្រចាំប្រទេសដែលប្រឆាំងនឹងរដ្ឋប្រហារត្រូវបានចាប់ខ្លួនជាបន្តបន្ទាប់ មិនលើកលែងសូម្បីតែ Paing Takhon។

ខាងក្រោមនេះគឺជារឿងរ៉ាវ ៥ យ៉ាង ដែលទាក់ទងនឹង Paing Takhon តារាម៉ូដែលប្រុសនិងជានិមិត្តរូបប្រជាជនមីយ៉ាន់ម៉ាចាប់តាំងពីពេលនោះមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ កុមារភាពរបស់ Paing Takhon នៅលើកោះ Tanintharyi

មុនពេលដែលមានគេស្គាល់ដូចសព្វថ្ងៃនេះ Paing Takhon គ្រាន់តែជាជាបុរសសាមញ្ញម្នាក់រស់នៅ កោះ Tanintharyi ខណៈលោកជាកូនទី ៤ ក្នុងចំណោមបងប្អូន ៦ នាក់ ដោយសារតែម្តាយរបស់គាត់ចង់ឲ្យធ្វើជាតារាម៉ូដែល ហើយគាត់ផ្ទាល់ស្រលាញ់វិស័យសិល្បៈដូចគ្នា។ បន្ទាប់មកគាត់ចាប់ផ្ដើមស្វែងរកឱកាសការងារដែលខ្លួនស្រលាញ់ រហូតដល់ឆ្នាំ ២០១៤ ទើបមានឱកាសចូលប្រឡូកក្នុងវិស័យបង្ហាញម៉ូដ។ ទទួលបានបទពិសោធន៍រហូតដល់មានការផ្សាយពាណិជ្ជកម្ម ការងារតន្ត្រី និងការសម្តែងមួយចំនួនបានចាប់ផ្តើម។ តារាប្រុសរូបនេះបាននិយាយដែរថា “កាលពីមុនវាមិនល្បីនោះទេ។ ខ្ញុំបានជិះឡានក្រុងទៅកន្លែងធ្វើការ ពេលខ្លះមានអារម្មណ៍ឈឺចាប់ដែលគេឯងមានឡានផ្ទាល់ខ្លួនសម្រាប់បើកបរ។ ប៉ុន្តែខ្ញុំជឿថាខ្ញុំអាចធ្វើបាន។ ខ្ញុំបានចំណាយប្រាក់សន្សំ ២ ទៅ ៣ ឆ្នាំ ខ្ញុំបានទិញឡាន និងផ្ទះផ្ទាល់ខ្លួន”។

២ ជីវិត Paing Takhon គឺរៀនគ្រប់ពេលវេលា

បើទោះជាលោកជាតារាម៉ូដែលដែលពេញនិយមបំផុតនាពេលបច្ចុប្បន្ននេះក្ដី ប៉ុន្តែលោកថានៅតែមិនគិតថាអ្វីដែលមានសព្វថ្ងៃនេះជាចំណុចនៃភាពជោគជ័យនោះទេ។ លោកនៅមានអ្វីច្រើនទៀតដែលត្រូវរៀន និងកែលំអខ្លួនឯងជាបន្ត។ មិនថាជាភាសាអង់គ្លេស ដែលពេលនេះគាត់បានលះបង់ខ្លួនឯងក្នុងការសិក្សាឲ្យបានពេញលេញ ដើម្បីត្រៀមខ្លួនទទួលយកការងារអន្តរជាតិ។ លោកថា “ខ្ញុំនៅតែមិនគិតថាខ្លួនឯងជោគជ័យ! ខ្ញុំនៅមានអ្វីជាច្រើនដែលត្រូវរៀន”។

៣ Paing Takhon ត្រូវមនុស្សជាច្រើនវាយតម្លៃថាល្បីដោយសារតែសម្រស់

ជាមួយនឹងទិដ្ឋភាពដែលមនុស្សជាច្រើនបានវាយតម្លៃគាត់ ចំពោះរូបរាងហើយគិតថា តារាប្រុសរូបនេះលក់រូបរាងលើសពីសមត្ថភាព។ ប៉ុន្តែលោកបានឆ្លើយថា៖ មាននរណាម្នាក់បានវិនិច្ឆ័យគាត់តាមរបៀបនេះផងដែរ ប៉ុន្តែតាមពិត អ្នកដែលជិតស្និទ្ធនឹងគាត់ទើបដឹងថា គាត់ជាមនុស្សបែបណា។ គាត់តែងតែត្រៀមខ្លួនដើម្បីរៀនបន្ថែមដើម្បីធ្វើឲ្យការងាររបស់ល្អបំផុត។ ហើយប្រសិនបើថ្ងៃណាមួយគាត់មិនធ្វើការនៅក្នុងឧស្សាហកម្មកម្សាន្ត គាត់គិតថា គាត់ពិតជាអាចធ្វើការលើអ្វីផ្សេងទៀត និងដឹកនាំជីវិតដ៏រីករាយ។ លោកក៏បន្ថែមទៀតថា តើអ្វីដែលសំខាន់ជាងអំពីទេពកោសល្យ និងរូបរាង? ព្រោះមុខរបស់យើងអាចត្រូវបានអភិវឌ្ឍជាមួយគ្នា។

៤ អាថ៌កំបាំងដ៏ស្រស់ស្អាតរបស់ Paing Takhon

អាថ៍កំបាំងក្នុងការថែរក្សាខ្លួនឯង ដែលមនុស្សជាច្រើនចង់ដឹង។ លោកបាននិយាយថា ពេលខ្លួនឯងមិនមែនជាតារាម៉ូដែល គាត់រស់នៅធម្មតា គេងយប់ជ្រៅ មានមុន និងកម្រថែរក្សាស្បែកណាស់។ ប៉ុន្តែពេលមកដល់ចំណុចនេះ គាត់ត្រូវផ្តល់ពេលវេលាបន្ថែមទៀតក្នុងផ្នែកនេះដោយទៅគ្លីនិកថែរក្សាស្បែក ប៉ុន្តែអ្វីដែលសំខាន់នោះ គាត់មិនភ្លេចមើលថែខ្លួនឯងចំពោះមុខម្ហូបអាហារ និងធ្វើលំហាត់ប្រាណឲ្យបានទៀងទាត់នោះទេ។

៥ ប្ដេជ្ញាឈរលើរដ្ឋប្រហារ

Paing Takhon បានបង្ហោះសារលើហ្វេសប៊ុករបស់ខ្លួនថា “យើងក្នុងនាមជាពលរដ្ឋមីយ៉ាន់ម៉ា មិនយល់ស្របនឹងអ្វីដែលកំពុងកើតឡើងនៅពេលនេះ។ ហើយក៏ចង់សំណូមពរដល់មេដឹកនាំពិភពលោក អង្គការសហប្រជាជាតិ ប្រព័ន្ធផ្សព្វផ្សាយពិភពលោក សូមសង្គ្រោះប្រទេសយើង មេដឹកនាំ-ប្រជាជនយើងពីទង្វើដ៏ជូរចត់នេះ។ យើងចង់បានលទ្ធិប្រជាធិបតេយ្យ ហើយចង់ឲ្យប្រទេសយើងក្លាយជាប្រទេសអភិវឌ្ឍន៍”៕