ជីវិតកម្សាន្ដ

ទៅដល់មីយ៉ាន់ម៉ា Paing Takhon បួសជាព្រះសង្ឃលើកទី២ ក្រោយថតរឿង “ប្រុសលក់ខ្លួន” នៅកម្ពុជាចប់

បានផុស

៣ years មុន

នៅ

ថ្ងៃអង្គារ ២៧ មិថុនា ២០២៣

ដោយ

តារាសម្ដែងនិងម៉ូដែលមីយ៉ាន់ម៉ាលោក Paing Takhon បានបួសជាព្រះសង្ឃលើកទីពីរ បន្ទាប់ពីថតរឿង”ប្រុសលក់ខ្លួន” ឬ “Rent Boy” ជាមួយតារាសម្ដែងខ្មែរជាច្រើននាក់ និងតារាកំប្លែងថៃ Tukky Sudarat។ ដែលនេះជាដំណឹងមួយបង្កឲ្យមានការភ្ញាក់ផ្អើលយ៉ាងខ្លាំង ពីសំណាក់អ្នកគាំទ្រទូទាំងពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈបណ្ដាញសង្គមហ្វេសបុកផ្ទាល់ខ្លួនរបស់តារាប្រុសមីយ៉ាន់ម៉ារូបនេះ បានបង្ហោះស្ទូរីជារូបភាពក្នុងនាមជាព្រះសង្ឃដោយសរសេរខេបសិនយ៉ាងវែងអន្លាយថា «ខ្ញុំសូមផ្ញើក្តីស្រលាញ់គ្រប់ពេលវេលាឲ្យមនុស្សគ្រប់គ្នាមានសុខភាពល្អ និងសេចក្ដីសុខសម្រាប់មនុស្សទាំងអស់ក្នុងលោក ក្នុងពេលដែលខ្ញុំបួសជាព្រះសង្ឃ សូមឲ្យលោគ្រប់ៗគ្នាទទួលបាននូវសេចក្ដីស្រឡាញ់ និងមេត្តាដែលខ្ញុំផ្ញើ»។

យ៉ាងណាមិញអ្នកគាំទ្ររបស់ Paing Takhon ជាពិសេសនោះគឺទស្សនិកជនក្នុងប្រទេសកម្ពុជា មានការភ្ញាក់ផ្អើលមិនតិចនោះទេ បន្ទាប់ពីដឹងថាតារាប្រុសសំណព្វចិត្តរបស់ពួកគេសម្រេចបួសជាលើកទីពីរ។ ក្នុងនោះមហាជនជាច្រើនបានសម្ដែងក្ដីរំភើបលើលោក និងចូលរួមអនុមោទនាយកផលបុណ្យរៀងៗខ្លួន។

សូមជម្រាបឲ្យដឹងថា Paing Takhon ជាតារាម៉ូដែលមីយ៉ាន់ម៉ាដែលកំពុងទទួលបានភាពល្បីល្បាញពេលថ្មីៗនេះ ក្រោយស្ថានភាពនយោបាយនៅក្នុងប្រទេសវិលត្រលប់មកកាន់ស្ថានភាពស្ងប់ស្ងាត់វិញ សន្ទុះនៃការគាំទ្ររបស់លោកហាក់មកវិញខ្លាំងជាងមុន និងមានឱកាសបានទទួលថតរឿងព្រមទាំងចាកចេញទៅដល់ប្រទេសខ្មែរនិងថៃផងដែរ៕