ទិដ្ឋភាពសិល្បករ-សិល្បការិនីល្បីៗ ចូលរួមហែរក្បូនឃោសនាបោះឆ្នោតគាំទ្រគណបក្សប្រជាជនកម្ពុជា

ក្នុងយុទ្ធនាការឃោសនាបោះឆ្នោតជ្រើសរើសក្រុមប្រឹក្សា ឃុំ សង្កាត់ នាថ្ងៃទី២១ ខែឧសភា ឆ្នាំ២០២២នេះ គេឃើញមានវត្តមានរបស់តារាប្រុស- ស្រីល្បីៗជាច្រើនដួងដែលមានស្ទើរតែគ្រប់ទម្រង់បាននាំគ្នាមកចូលរួមក្បូនហែឃោសនាគាំទ្រគណបក្សប្រជាជនកម្ពុជានៅក្នុងរាជធានីភ្នំពេញ។

តាមទិដ្ឋភាពជាក់ស្តែង គឺសិល្បករ-សិល្បការិនីដែលបានចូលរួមទាំងអស់សុទ្ធតែសម្តែងក្តីរីករាយផុសចេញពីក្រអៅ​បេះដូង និងគាំទ្រដោយស្មោះស្ម័គ្រជូនគណបក្សប្រជាជនកម្ពុជា ដែលដឹកនាំដោយសម្តេចតេជោ ហ៊ុន សែន នាយករដ្ឋមន្ត្រីនៃប្រទេសកម្ពុជា។

ដោយឡែកសម្រាប់ថ្ងៃដំបូងនេះដែរគេក៏បានឃើញ ប្រធានសមាគមន៍សិល្បករខ្មែរអ្នកនាង ចន ច័ន្ទល ក្ខិណា ក៏បានបង្ហាញវត្តមានចូលរួម និងដឹកនាំសិល្បករ-សិល្បការិនីខ្មែរជាច្រើនដួងហែរក្បូនឃោសនាគាំទ្រជូនគណបក្សប្រជាជនកម្ពុជាផងដែរ។ អ្នកនាងបានបង្ហោះភ្ជាប់រូបភាពអមដោយសំណេរថា អរគុណគណបក្សប្រជាជនដែលបានធ្វើឱ្យពួកយើងមានថ្ងៃនេះ។ អរគុណសន្តិភាព។

សូមបញ្ជាក់ថា នៅថ្ងៃ២១​ ខែឧសភា ឆ្នាំ២០២២នេះ គឺជាថ្ងៃដំបូងនៃការឃោសនាបោះឆ្នោតជ្រើសរើសក្រុមប្រឹក្សា ឃុំ សង្កាត់ របស់គណបក្សនីមួយៗដែ លឈរឈ្មោះបោះឆ្នោត។យ៉ាងណាមិញសម្រាប់គ ណបក្សប្រជាជនជនកម្ពុជាក៏បានធ្វើសមកម្មភាពឃោសនា រក សម្លេងឆ្នោត យ៉ាងខ្លាំងក្លានាថ្ងៃដំបូងនេះផងដែរ៕

អត្ថបទ៖ ចាន់រ៉ា