ជីវិតកម្សាន្ដ

សុវត្ថិឌី ធារីកា ស្នើឲ្យមហាជនយល់ពីការឈឺចាប់របស់នាងក្នុងពេលនេះ

បានផុស

៤ years មុន

នៅ

ថ្ងៃពុធ ២២ មិថុនា ២០២២

ដោយ

តារាចម្រៀងស្រីវ័យក្មេងកញ្ញា សុវត្ថិឌី ធារីកា កាលពីថ្មីៗនេះបានជួបនូវរឿងរ៉ាវដ៏សោកសៅជា ទីបំផុតក្រោយពេលដែលលោកឪពុកនឹងអ្នកម្ដាយជាទីស្រលាញ់ត្រូវបាត់បង់ជីវិតដោយមួយប៉ប្រិចភ្នែកព្រមគ្នាក្នុងហេតុការណ៍ក្រឡាប់រថយន្តនៅស្រុកឆែបខេត្តព្រះវិហារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលនោះគេកត់សម្គាល់ថា តាមរយៈដំណឹងមរណទុក្ខដ៏សោកសៅនេះ បានធ្វើឲ្យអ្នកគាំទ្រ និងមិត្តភក្តិរួមអាជីពសិល្បៈជាច្រើនបង្ហាញការសោកស្តាយ និងរន្ធត់ចិត្តខ្លាំងអាណិតដល់ សុវត្ថិឌី ធារីកា គ្រប់ៗគ្នា។ ចំពោះការចាកចេញទៅរបស់អ្នកមានគុណក្នុងពេលតែមួយនេះដែរ គឺជារឿងពិបាកនឹងទទួលយកខ្លាំងណាស់សម្រាប់ សុវត្ថិឌី ធារីកា រហូតនាងយំឡើងវង្វេងវង្វាន់ម្ដងៗទៅហើយព្រោះតែស្ដាយស្រណោះអាឡោះអាល័យចំពោះការបាត់បង់អ្នកមានគុណម្ដងទាំងពីរបែបនេះ។

យ៉ាងណាមិញ គិតមកទល់ពេលនេះ ថ្វីត្បិតលោកឪពុក-អ្នកម្តាយរបស់នាងបានចែកឋានមានរយ:ពេលជាង ១ ខែហើយក្តី តែសម្រាប់តារាស្រី សុវត្ថិ ឌីធារីកា នៅតែបង្ហាញការឈឺចាប់នឹងបង្ហោះខ្លឹមសារត្អូញត្អែរនឹកដល់លោកមានគុណទាំងពីរ ដោយមិនទាន់មានក្តីរំសាយចិត្តឬបំភ្លេចបានទេ។ ដោយសារហេតុផលនេះទើប សុវត្ថិឌី ធារីកា ក៏បានស្នើដល់អ្នកគាំទ្រកុំឲ្យគិតផ្លូវមិនល្អដល់ខ្លួនឬយល់ថាគ្រាន់តែdramaប៉ុណ្ណោះ។

តារាចម្រៀងកញ្ញា សុវត្ថិឌី ធារីកា បានថ្លែងប្រាប់ឲ្យដឹងដូច្នេះថា”សូមអធ្យាស្រ័យកុំគិតថា ខ្ញុំdramaអី តែបងប្អូនមួយចំនួនតូចមិនទាន់យល់ពីភាពឈឺចាប់មួយនេះទេ ហើយខ្ញុំក៏ព្យាយាមកាត់ចិត្តតែមិនអាចបំភ្លេចការឈឺចាប់មួយនេះបានទេ”។ តាមរយៈការលើកឡើងនេះ ក៏មានអ្នកគាំទ្រ និងមិត្តភក្តិមួយចំនួនធំបានផ្ញើសារលើកទឹកចិត្តដល់ សុវត្ថិឌី ធារីកា គ្រប់គ្នា។

សូមជម្រាបដែរថាកាលពីថ្ងៃទី ១៧ ខែឧសភា ឆ្នាំ ២០២២ តារាចម្រៀងស្រី សុវត្ថិឌី ធារីកា មានទុក្ខជាទម្ងន់ដោយសារតែលោកឪពុកអ្នកម្ដាយជាទីស្រលាញ់ ត្រូវបាត់បង់ជីវិតព្រមគ្នាក្នុងហេតុការណ៍ក្រឡាប់រថយន្តនៅស្រុកឆែបខេត្តព្រះវិហារ។ ដំណឹងនេះ បានធ្វើឲ្យអ្នកគាំទ្រ និងមិត្តភក្តិរួមអាជីពសិល្បៈជាច្រើនបង្ហាញការចូលរួមរំលែកទុក្ខ និងរន្ធត់ចិត្តខ្លាំងនូវការបាត់បង់ដ៏ធំធេង គឺឪពុកនិងអ្នកម្តាយ សុវត្ថិឌី ធារីកា ដោយគ្មានថ្ងៃវិលត្រឡប់៕

អត្ថបទ៖ ចាន់រ៉ា