ជីវិតកម្សាន្ដ

Charlie Puth ចេញមុខឆ្លើយតប ក្រោយគេថាចម្រៀងថ្មីជាមួយ Jungkook ជាបទស្រឡាញ់ភេទដូចគ្នា

បានផុស

១ សប្តាហ៍ មុន

នៅ

ថ្ងៃអង្គារ ៥ កក្កដា ២០២២

ដោយ

Sonya

បន្ទាប់ពីលេចឮពាក្យពាក្យចចាមអារ៉ាមទាក់ទងនឹងបទថ្មី “Left and Right” ជាបទច្រៀងអំពីបុរសស្រឡាញ់បុរសដូចគ្នា រួចមក កាលពីថ្ងៃទី៤ ខែកក្កដានេះ Charlie Puth ចេញមុខមកឆ្លើយតប ស្រាយចម្ងល់ហ្វេនហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយពីបទ “Left and Right” ចេញផ្សាយកាលពីចុងខែមុន អ្នកគាំទ្រមានការរំភើបជាខ្លាំងដែល Charlie Puth និង Jungkook បានសហការគ្នា ព្រោះខែមិថុនាត្រូវបានគេដឹងថា ជាខែ Pride Month។ ដោយសារមូលហេតុនេះ អ្នកគាំទ្រសង្ស័យបទថ្មីច្រៀងលើកទឹកចិត្តអ្នកស្រឡាញ់ភេទដូចគ្នា។

ពាក់ព័ន្ធនឹងចម្ងល់ហ្វេនមួយនេះដែរ Charlie Puth មិនបានប្រកែកថាវាជារឿងមិនពិតនោះទេ ប៉ុន្តែលោកក៏មិនបាននិយាយចំៗថាបទនេះជាបទច្រៀងពីការស្រឡាញ់ភេទដូចគ្នាដែរ។ នេះបើតាមការចែករំលែកនៅលើ Instagram Story របស់លោក Charlie Puth។

គួររំលឹកថា បទ “Left and Right” បានទម្លាក់កាលពីថ្ងៃទី២៤ ខែមិថុនា ហើយបានជាប់ចំណាត់ថ្នាក់កំពូល iTunes Top Songs នៅក្នុងប្រទេស និងតំបន់ចំនួន ៩៣ នៅថ្ងៃបន្ទាប់។ វីដេអូចម្រៀងនេះក៏ទទួលបានការចូលមើលជាង ១០លានដងផងដែរ ក្រោយពេលចេញផ្សាយ ១២ម៉ោងប៉ុណ្ណោះ។

គិតត្រឹមថ្ងៃទី៥ ខែកក្កដា ត្រឹមតែជាងមួយសប្តាហ៍ បន្ទាប់ពីការចេញផ្សាយបទ “Left and Right” ត្រូវបាន stream ជាង ៥០លានដងផងដែរ៕

ប្រែសម្រួល៖ សន្យា

ប្រភព៖ Asiaone

ចុចអាន៖ ក្រោយស្ងប់ស្ងាត់រឿងអាស្រូវ Seo Ye Ji ត្រឡប់មកវិញ កាន់តែកាចជាងមុន