Connect with us

ជីវិតកម្សាន្ដ

ទោះកំពុងស្ពាយជំងឺ Sammo Hung សុខចិត្តជិះរទេះរុញ មកបង្រៀនតួកុនស្រករក្រោយ

បានផុស

នៅ

ទោះបីវ័យជ្រេហើយក៏ដោយ តារាក្បាច់គុន Sammo Hung នៅតែមិនបោះបង់វិស័យសិល្បៈចោល ដោយសុខចិត្តជិះរទេះរុញមកបង្រៀនកូនសម្ដែងកុន ធ្វើឲ្យមហាជនភ្ញាក់ផ្អើល និងស្ងើចសរសើរគ្រប់គ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Sammo Hung បានក្លាយនិមិត្តរូបនៃតារាសម្ដែង​ភាពយន្ត​ក្បាច់​គុន​ហុងកុង​ អស់ពេល​ជា​ច្រើន​ឆ្នាំ​មក​ហើយ។ ត្បិតថាលោកមិនសូវបានសម្ដែងជាតួឯកក៏ពិតមែន ប៉ុន្តែភាពយន្តហុងកុងល្បីៗកាលពីមុន មិនដែលបាត់មុខលោកនោះទេ ហើយលោកក៏មានប្រជាប្រិយភាពមិនចាញ់តួឯកល្បីៗទៀតដូចជា លីលានជា ឈិនឡុង ឬកុំកុំ ប៉ុន្មានដែរ។

ប៉ុន្មានឆ្នាំចុងក្រោយនេះ តារាក្បាច់គុនរូបនេះ ហាក់មិនបានចូលរួមសម្ដែងទៀតនោះទេ ព្រោះវ័យជរា និងបញ្ហាសុខភាព ដែលវាធ្វើឱ្យលោកត្រូវប្រើរទេះរុញ និងឈើច្រត់ជានិច្ច។ មិនថាឧបសគ្គយ៉ាងនេះក្ដី Sammo Hung បានបន្សល់ទុកនូវចំណាប់អារម្មណ៍ជាច្រើនក្នុងបេះដូងសាធារណៈជន ដោយ​នៅ​តែ​ចូល​រួម​សកម្មភាព​សិល្បៈ ក្នុងនាម​ជា​អ្នក​ដឹក​នាំ​រឿង និង​ផលិតករមួយរូប។

កាលពីពេលថ្មីៗនេះ ប្រព័ន្ធផ្សព្វផ្សាយរបស់ប្រទេសចិន បានចុះផ្សាយវីដេអូមួយ ដែលអ្នកសារព័ត៌មានសម្ភាសន៍ Sammo Hung លើគម្រោងភាពយន្ត ដែលលោកកំពុងធ្វើ។ គួរ​កត់​សម្គាល់​ថា ក្នុងវីដេអូនោះ លោកបានត្អូញត្អែអំពីតួ​សម្ដែងជំនាន់ក្រោយ ​ក្នុងនោះរួម​មាន​ការ​បង្ហាញ​ខ្លួន​របស់​កូន​ប្រុសរបស់លោក​ គឺ​តារា​សម្ដែង Timmy Hung។

តារាជើងចាស់រូបនេះ ​និយាយ​ចំៗ​ថា ការ​សម្តែង​របស់​កូនប្រុស​លោក​នៅ​មិនទាន់​បង្ហាញ​ពី​អត្តចរិត​របស់​តួ​ប្រុស​នៅឡើយ​។​ គេនៅស្ទើរកាយវិការ ជាពិសេសការបញ្ចេញអារម្មណ៍របស់តួ។ Sammo Hung ថា ជំនាន់របស់លោក តួត្រូវលះបង់ច្រើនណាស់ ធ្វើយ៉ាងបញ្ចូលខ្លួនឯងឱ្យក្លាយទៅជាតួពិតៗ ទើបទស្សនិកជន ដក់ជាប់នៅក្នុងអារម្មណ៍ ពេលបានទស្សនាហើយ។

ទន្ទឹមគ្នាដែរគេសម្គាល់ឃើញថា ទោះបីតារាហុងកុងរូបនេះ មានជំងឺជាប់ខ្លួន និងសុខភាពទ្រុឌទ្រោមយ៉ាងណាក្ដី លោកនៅតែជាតារាដែលមានបេះដូងស្រឡាញ់វិស័យសិល្បៈយ៉ាងជ្រាលជ្រៅ ដោយលោកនៅតែចូលរួមក្នុងការផលិត និងដឹកនាំភាពយន្ត ថ្វីបើមិនអាចសម្ដែងបានក៏ដោយ៕

ប្រែសម្រួល៖ សន្យា

ចុចអាន៖ ភរិយា ឈិនឡុង​ លេចមុខជាសាធារណៈម្ដង មហាជនផ្អើលព្រាត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៦ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៣ ថ្ងៃ មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៦ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៩ ម៉ោង មុន

សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា

ព័ត៌មានជាតិ៥ ថ្ងៃ មុន

មន្រ្តី​ក្រសួង​បកស្រាយវីដេអូរថភ្លើង​បើក​​​លើ​​ផ្លូវជាតិ ពលរដ្ឋ​សង្ស័យបើក​ខុស​បច្ចេកទេស

Sokha Hotels

ព័ត៌មានពេញនិយម