Pinky ទម្លាយរូបថតជាមួយមិត្តសម្លាញ់ កាលជាង ២០ឆ្នាំមុន ហ្វេនឃើញហើយស្រឡាំងកាំង

តារាស្រីរៀមច្បង Pinky ថ្មីៗនេះបានបើកបង្ហាញរូបថតចាស់ៗ កាលពីក្មេង ដែលនាងនិងមិត្តសម្លាញ់ពីរនាក់ថតរួមគ្នា ធ្វើឱ្យអ្នកគាំទ្រស្រឡាំងកាំង នាំគ្នាអស់សំណើចផង សរសើរផង។

តារាស្រី Pinky Savika ​រួមជាមួយមិត្តសម្លាញ់ Yadthip Rajapal និង B Matika ត្រូវបានកម្មវិធីទូរស្សន៍មួយហៅមកសម្ភាសន៍ និងជជែកលេងកម្សាន្តអំពីរឿងភាគថ្មី ហើយពេលនោះអ្នកទាំង៣បានយករូបថតកាលជាង ២០ឆ្នាំមុន មកបង្ហាញជាសាធារណៈ ធ្វើឱ្យទស្សនិកជន នាំគ្នាចំអន់ព្រាតតែម្ដង​ ព្រោះតែស្ទីលតុបតែងខ្លួនរបស់ពួកគេ។

រូបថតទាំងនេះ ត្រូវមិត្តសម្លាញ់ទាំង៣ ប្រាប់ថាបានថតតាំងពីទស្សវត្សរ៍ ៩០ ហើយមានរូបមួយចំនួន ពួកគេថតកាលនៅរៀនបឋមសិក្សា។

យ៉ាងណាមិញ មកទល់នឹងថ្ងៃនេះ តារាស្រីទាំង ៣ បានចូលប្រឡូកក្នុងវិស័យសិល្បៈអស់រយៈពេលជាង ២០ឆ្នាំមកជាមួយនឹងអាជីពផ្សេងៗ ស្របពេលដែលបច្ចុប្បន្ន Yadthip Rajapal និង B Matika បានរៀបការមានគ្រួសារ និងមានកូនម្នាក់មួយទៅហើយ ចំណែក Pinky វិញកំពុងនៅទំនេរ ក្រោយលែងលះស្វាមី​កាលពី ២០១៧៕

ប្រែសម្រួល៖ សន្យា

ចុចអាន៖ ផ្ទេរមកុដយប់មិញ អតីតបវរកញ្ញាចក្រវាលថៃ ២០២១ រងការរិះគន់យ៉ាងដំណំ

ចុចអាន៖​ Pinky តារាស្រីទីមួយដែលរៀបការកក្រើកប្រទេស ថៃ តែចុងក្រោយ លែងលះស្វាមីជាមហាសេដ្ឋី (មានវីដេអូ)