ជីវិតកម្សាន្ដ

ជើងឯក Miss Petite Global 2022 វិលមកកម្ពុជាវិញ ទាំងពាក់មកុដចេញពីទឹកដី ម៉ាឡេស៊ី (មានវីដេអូ)

បានផុស

៤ years មុន

នៅ

ថ្ងៃចន្ទ ៨ សីហា ២០២២

ដោយ

នៅក្នុងវីដេអូមួយ ដែលបង្ហាញពីជើងឯក Miss Petite Global 2022 កញ្ញា សារី ស្រីពេជ្រ បានគ្រងមកុដវិលមកមាតុភូមិកម្ពុជាវិញនាយប់ម្សិល កំពុងទទួលបានការស្វាគមន៍យ៉ាងកក់ក្ដៅ ពីសំណាក់អ្នកគាំទ្រទូទាំងប្រទេស។

នៅក្នុងវីដេអូនោះ Miss Petite Global 2022 កញ្ញា សារី ស្រីពេជ្រ បានគ្រងមកុដដែលនាងជាប់ជាជើងឯក វិលមកវិញទាំងទឹកមុខសប្បាយរីករាយ ខណៈអ្នកគាំទ្រររបស់នាង ចេញមកទទួលបានការស្វាគមន៍យ៉ាងកក់ក្ដៅបំផុត។

យ៉ាងណាមិញ នេះពិតជាមោទកភាពមែនទែនសម្រាប់កម្ពុជា នៅពេលដែល សារី ស្រីពេជ្រ បានបំបែកកំណត់ត្រាដណ្ដើមបានមកុដ Miss Petite Global 2022 ពីវេទិកាអន្តរជាតិនៅប្រទេសម៉ាឡេស៊ី។ ទន្ទឹមនេះ ជោគជ័យរបស់ កញ្ញា ត្រូវចាត់ទុកជាកំណត់ត្រាថ្មីសម្រាប់ប្រទេសកម្ពុជា និងប្រជាជនក្នុងប្រទេស ព្រោះនាងជាបេក្ខភាពនារីដំបូងគេបង្អស់ ដែលដណ្តើមបានមកុដនៅវេទិកាអន្តរជាតិបែបនេះ។

ដោយឡែកសម្រាប់លោក ចាន់ គឹមសិទ្ធ បេក្ខភាពបុរសរបស់កម្ពុជា ក៏បានដណ្ដើមបានជយលាភីរង 1st Runner up Mister Petite Global 2022 ផងដែរ។ ដែលនេះមិនត្រឹមកញ្ញា សារី ស្រីពេជ្រ ទេដែលជាម្ចាស់មកុដ Miss Petite Global 2022 នោះ។

គួរបញ្ចាក់ដែរថា ឆ្នាំនេះ គឺជាឆ្នាំដំបូងដែលកម្ពុជាបានបញ្ជូនបេក្ខភាពប្រុសស្រីចំនួន២រូបទៅចូលរូមប្រកួតប្រជែងកម្មវិធី Miss & Mister Petite Global នៅប្រទេសម៉ាឡេស៊ី ដើម្បីបញ្ចេញសមត្ថភាពទេពកោសល្យឲ្យពិភពលោកបានឃើញ៕

សូមទស្សនាវីដេអូខាងក្រោម៖

អត្ថបទ៖ សាង ស្រីល័ក្ខ

ចុចអាន៖អបអរសាទរ បវរកញ្ញាកម្ពុជាក្រោម ជាប់លំដាប់រងទី២ កម្មវិធី Miss Earth នៅប្រទេសវៀតណាម