Connect with us

ជីវិតកម្សាន្ដ

នាយ កុយ សុំទោសជាសាធារណៈពាក់ព័ន្ធ​ការស្លៀកពាក់បែបសាសនិកអ៊ិស្លាមថត MVមិនសមរម្យ

បានផុស

នៅ

ភ្នំពេញ: តារាកំប្លែងជើងចាស់ល្បីឈ្មោះប្រចាំប្រទេសកម្ពុជាលោក ជួង ជី ហៅនាយ កុយ បានចេញ មុខបកស្រាយ និងសុំទោសភ្លាមៗនៅលើបណ្តាញសង្គមហ្វេសប៊ុកផ្ទាល់ខ្លួន ចំពោះកំហុសឆ្គងក្នុងការថតសម្តែង MVមិនសមរម្យដែល​ធ្វើឲ្យប៉ះ​ពាល់ដល់អារម្មណ៍របស់បងប្អូនសាសនិកអ៊ិស្លាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចេញមុខសុំទោសជាសាធារ:ពីសំណាក់តារាកំប្លែងល្បីឈ្មោះនាយ កុយ នាពេលនេះបន្ទាប់ពីមានការរិះគន់​ដោយបង្ហាញ​ការមិនសប្បាយចិត្តរបស់បងប្អូនខ្មែរអ៊ិស្លាមក៏ដូចជាអ្នកប្រើប្រាស់បណ្តាញសង្គមហ្វេសប៊ុក ក្រោយឃើញសកម្មភាពរបស់នាយ កុយ និងនាយ ក្រឹម ស្លៀកពាក់បែបសាសនិកឥស្លាមថតសម្តែង MVរបស់ផលិតកម្មមួយ​លក្ខណ:មិនសមរម្យនាំឲ្យប៉ះពាល់កិត្តិយសរបស់ពួកគេ។

តាមរយ:វីដេអូសុំទោសរបស់តារាកំប្លែងនាយកុយ បានរៀបរាប់ថា នាយគ្មានចេតនាមើលងាយចំពោះបងប្អូបសាស​និកអ៊ិស្លាមទេហើយអ្វីដែលនាយ និងនាយក្រឹមសម្តែងនោះគឺធ្វើឡើងទៅតាមការដឹកនាំ របស់ផលិតកម្មដែលគេ​តម្រូវឲ្យនាយស្លៀកពាក់បែបនេះ។ នាយបន្តថា «សម្រាប់ខ្ញុំពុំមានបំណងអាក្រក់ ឬចេតនាមិនល្អណាមួយ ចំពោះបងប្អូនខ្មែរអ៊ិស្លាមទេហើយការសម្តែងនេះ គឺធ្វើតាមគេដែលហៅទៅតែប៉ណ្ណោះ»។

នាយ កុយបន្តថា រឿងដែលកើតឡើងនេះបណ្តាលពីឈុតសម្តែងទើបនាំឲ្យមានផលប៉ះពាល់ដល់អា រម្មណ៍របស់បង​ប្អូនខ្មែរឥស្លាម។ប៉ុន្តែបន្ទាប់ពីផ្ទុះការរិះគន់និងសម្តែងការមិនពេញចិត្តពីមហាជន​ជាច្រើននោះពេលនេះខាងភាគី​ផលិតកម្មក៏បាន​កាត់ ចោលត្រង់ឈុតនេះអស់ហើយ ហើយដំរីជើងបួនគង់មានភ្លាត់ អ្នកប្រាជ្ញាចេះស្ទាត់គង់មានភ្លេច។

តារាកំប្លែងនាយ កុយ បានលើកឡើងទៀតថា ក្រោយកើតមានរឿងនេះឡើង នាយពិតជាមានការសោកស្តាយណាស់ ព្រោះមិនដឹងកាលពីដំបូងថា ការថតសម្តែងបែបនេះធ្វើឲ្យប៉ះពាល់ដល់អារម្មណ៍បង ប្អូនខ្មែរអ៊ិស្លាមឡើយ។ ដូច្នេះនាយមានតែការសុំទោសចំពោះមហាជនទូទាំងប្រទេសពិសេសបងប្អូនជនជាតិខ្មែរអ៊ិស្លាមតែម្តង។

សូមជម្រាបថា ការរិះគ ន់នេះបន្ទាប់ពីមានការចែក រំលែកវីដេអូខ្លីមួយ ដែលបង្ហាញពីសកម្មភាពនាយកុយ និងនាយ ក្រឹម ស្លៀកសម្លៀកបំពាក់បែបជាជាតិខ្មែរអ៊ិស្លាមរាំក្នុងបទរ៉េបនៅក្នុង MVរបស់ផលិតកម្មក្នុងស្រុកមួយ៕

អត្ថបទ ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៥ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម