អ្នកនាង ខាត់ សុឃីម លុតជង្គង់ថ្វាយបង្គំនាយ កុយ និយាយទាំងអួលដើមក

តារាស្រីពហុជំនាញអ្នកនាង ខាត់ សុ ឃីម បានបង្ហាញពីសកម្មភាពដឹងគុណចំពោះសិល្ប:រៀមច្បងគឺតារាកំប្លែងនាយ កុយ ដែលធ្លាប់បានផ្តល់ឱកាសបណ្តុះបណ្តាលឲ្យបានលេងកំប្លែងនិងច្រៀងភ្លេងការជាមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយ:ទិដ្ឋភាពដែលត្រូវបានមហាជនយកទៅចែករំលែកនៅលើបណ្តាញសង្គមគ្រាដែល អ្នកនាង ខាត់ សុឃីម និងតារាកំប្លែងនាយ កុយ ចូលរួមកិច្ចសម្ភាសន៍នៅក្នុងកម្មវិធីមួយបានបញ្ជាក់ថា តារាពហុជំនាញរូបនេះ​បានដឹងគុណយ៉ាងខ្លាំងនៅចំពោះមុខនាយកុយ។ ក្រៅពីកន្ត្រកផ្លែឈើជូននាយ កុយ គឺអ្នកនាង ខាត់ សុឃីម បានលុតជង្គង់ថ្វាយបង្គំនាយ កុយ ជាមួយការនិយាយទាំងអួលដើម.ក។

ចំណែកឯនាយ កុយ ឯណោះ​វិញភ្លាមៗ ក្រៅតែពីក្តីរំភើបចិត្តក៏បានពោលពាក្យអរគុណដោយក្តីខ្សិកខ្សួលអួលដើម.កផងដែរ។ ទង្វើនេះបានធ្វើឲ្យអ្នកគាំទ្រ និងទស្សនិកជនសរសើរតារាស្រីអ្នកនាងខាត់សុឃីម ថានេះពិតជាគំរូដ៏ល្អសម្រាប់អ្នកសិល្ប:ផ្សេងៗទៀត។

អ្នកនាង ខាត់ សុឃីម បានបញ្ចេញចំណាប់អារម្មណ៍របស់ខ្លួនថា «ពិតជារំភើបណាស់ពេលវេលាចេះតែរំកិលទៅមុខដូច្នេះចង់និយាយអ្វីធ្វើអ្វីតបអ្វីកុំចាំហួស ពេលបាននិយាយថាស្តាយក្រោយ»។

អ្នកនាង​បន្តថា កេរ្តិ៍ឈ្មោះកិត្តិយសក្រអូបបញ្ច្រាស់ខ្យល់ ការដឹងគុណមិនស្រយុតទេ , អំពើល្អមិនវង្វេងម្ចាស់ទេហើយ អំពើអាក្រក់ក៏មិនវង្វេងម្ចាស់ដែរ។

ចំណែក​លោក យ៉ែម សំអូន ក៏​បានបញ្ចេញមតិដែរថា គ្រូប្រៀបដូចជាឪពុកទីពីរត្រឹមមួយថ្ងៃគឺគ្រូមួយជីវិត៕

អត្ថបទ៖ ចាន់រ៉ា