ជីវិតកម្សាន្ដ

ទម្លាយតម្លៃផ្ទះប្រណិតបិទមាស ដែល ឈិនឡុង ទើបតែទិញថ្មីៗ

បានផុស

៤ years មុន

នៅ

ថ្ងៃព្រហស្បតិ៍ ១ កញ្ញា ២០២២

ដោយ

ឈិនឡុង ឬ Jackie Chan ទើបតែទិញផ្ទះដ៏ប្រណិតមួយ នៅទីក្រុង Hangzhou ក្នុងតម្លៃ ៤០លានយ័ន (៦លានដុល្លារ) ។ ខណៈដើមឡើយ លោកគ្រាន់តែជួយផ្សព្វផ្សាយឲ្យ តែក្រោយពេលឃើញហើយ ក៏ចូលចិត្តតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រព័ន្ធផ្សព្វផ្សាយរបស់ប្រទេសចិន បានឲ្យដឹងថា កំពូលតារាក្បាច់គុនអាយុ ៦៨ ឆ្នាំរូបនេះ បានដើរចូលទៅក្នុងអគារ ចំពេលមានការទទួលស្វាគមន៍យ៉ាងកក់ក្ដៅពីម្ចាស់គម្រោង។ ដោយការផ្លាស់ទៅផ្ទះថ្មីលើកនេះ ឈិនឡុងក៏បានអញ្ជើញមិត្តភក្តិមកចូលរួមពិធីជប់លៀង បង្ហាញពីផ្ទះប្រណិត ដែលត្រូវបានតុបតែងក្នុងរចនាប័ទ្ម neoclassical សង្កត់ធ្ងន់លើគ្រឿងសង្ហារិមរចនាប័ទ្មអឺរ៉ុប ចង្កៀងគ្រីស្តាល់ប្រណីត។ សូម្បីតែគែមពិតានក៏បិទមាស 18K ខណៈដែលកម្រាលឥដ្ឋ និងជញ្ជាំងផ្ទះត្រូវបានដាក់ដោយថ្មម៉ាបពណ៌សទឹកដោះគោ និងអាចមើលឃើញទេសភាពនៃទន្លេ Hangzhou ថែមទៀត។ ម៉្យាងទៀត ផ្ទះមួយនេះស្ថិតលើផ្ទៃដី ៤,៣0០៥ ហ្វីតការ៉េ ហើយមានទីតាំងនៅជិត Hengdian World Studios ក្នុងខេត្ត Zhejiang ជាកន្លែងដែលលោកបានថតរឿងនាពេលថ្មីៗនេះ។

ថ្វីត្បិតថាអាយុច្រើនក្ដី ប៉ុន្តែឈិនឡុងនៅតែមានភាពល្បីល្បាញខ្លាំងក្នុងពិភពលោក។ ជាពិសេស លោកនៅតែរក្សាបាននូវស្តង់ដារនៃការក្លាយជាតារាប្រុសដែលមានប្រាក់ចំណូលខ្ពស់ជាងគេនៅលើកំពូល។ ក្នុងចំណោមឧស្សាហកម្មនេះ ទ្រព្យសម្បត្តិបច្ចុប្បន្នមិនតិចជាង ៥២០លានដុល្លារ នេះមិនមែនជារឿងគួរឲ្យភ្ញាក់ផ្អើល ដែលបុគ្គលនោះបានផ្ដល់រង្វាន់ដល់ខ្លួនគាត់ ជាមួយនឹងកន្លែងស្នាក់នៅដ៏ប្រណិត៕

ប្រែសម្រួល៖ សាង ស្រីល័ក្ខ

ចុចអាន៖រំលឹកភាពយន្តជំនាន់មុន ពីតារាក្បាច់គុន ឈិនឡុង ធ្លាប់អង្រួនបេះដូងទស្សនិកជន កម្ពុជា ឲ្យតាមដានជក់ចិត្ត