ជីវិតកម្សាន្ដ
បម្រើសិល្បៈ ៥០ ឆ្នាំ លោកគ្រូ ហួរ ឡាវី មិនដែលទទួលបានប័ណ្ណកិត្តិយស អ្វីមួយឡើយ
អ្នកគាំទ្រមានការភ្ញាក់ផ្អើលបន្ទាប់ពីមានការបង្ហើបថា តារាចម្រៀងជើងចាស់ល្បីឈ្មោះលោក ហួរ ឡាវី រហូតមកទល់ពេលនេះគឺបម្រើវិស័យសិល្ប:មានរយ:ពេលប្រមាណ៥០ឆ្នាំហើយ។ ប៉ុន្តែលោកមិនដែលទទួលបានប័ណ្ណកិត្តិយស ណាមួយពីភាគីពាក់ព័ន្ធណាឡើយ។
បើយោងតាមខ្លឹមសារនៃសំណេររបស់តារាចម្រៀងរួមអាជីព គឺលោក សុះ ម៉ាច បានរៀបរាប់ដោយក្តីអាណិតចំពោះលោកគ្រូ ហួរ ឡាវី ថា សែនអាសូរក្នុងចិត្តពេលបានឮសម្តីរបស់រៀមច្បង ហួរ ឡាវី ខណ:ពេលរួមដំណើរជាមួយបងទៅចូលរួមកម្មវិធីសប្បុរសមួយនៅខេត្តព្រៃវែងរបស់លោកឧត្តមសេនីយ៍ អ៊ុ ចំរើន ប្រគល់ផ្ទះជូនទុរគតជនមួយរូប ខ្ញុំក៏សួរពីប្រវត្តិចូលបម្រើវិស័យសិល្ប: គឺបងចូលសិល្ប:តាំងពីឆ្នាំ១៩៦៣ ។
លោកបន្តថា ក្រោយមកឆ្នាំ១៩៧៩បងបម្រើការនៅមន្ទីរឃោសនាការខេត្តបាត់ដំបង ឆ្នាំ១៩៨៣ ចូលមកបម្រើការនៅមន្ទីរវប្បធម៌រាជធានីភ្នំពេញ។ រំឮកកាលទៅឃោសនាពលករកាប់ឆ្ការព្រៃពេលលេងឱ្យពលករស្តាប់ និងរាំលេង ពួកប៉ុលពតដេញបាញ់រត់ព្រលឹងចុងសក់។ ខ្ញុំក៏មានអានុស្សាវរីយ៍ច្រើនជាមួយគាត់កាលច្រៀងតាមរង្គសាលកាលកន្លងមករហូតឥឡូវ។ ក៏លួចសួរគាត់ថា បងបម្រើវិស័យសិល្ប:៥០ឆ្នាំមកហើយ មានស្នាដៃធំធេងណាស់ បងមានបានទទួលកិត្តិយសពីរដ្ឋាភិបាល ឬក្រសួងមន្ទីរស្ថាប័នអ្វីខ្លះ? គាត់ឆ្លើយថា ប្អូនអើយគ្មានទេ បងចង់ឃើញការផ្តល់កិត្តិយសគ្រាន់ ទុកតាំងបង្ហាញកូនចៅពេលបងស្លាប់ទៅក្រែងបានបិទភ្នែកជិត ព្រោះបងចាស់ហើយឆ្នាំនេះ៧៨ឆ្នាំហើយ។
លោក សុះ ម៉ាច និយាយទៀតថា តាមមតិរបស់ខ្ញុំសិល្បករចាស់ៗដែលធ្លាប់មានស្នាដៃ និងបានបម្រើសិល្ប:យូរយារមកហើយគួរតែផ្តល់កិតិ្តយសដល់ពួកគាត់ក៏ដូចជាការលើកទឹកចិត្ត និងដឹងគុណដូចជារៀមច្បង ហួរ ឡាវី ជាដើម ខណ:សិល្បករចាស់ថ្មីខ្លះបានទទួលកិត្តិយសរួចហើយពីរដ្ឋាភិបាល និងស្ថាប័ននានាដូចរូបខ្ញុំផ្ទាល់ក៏បានពីទទួលពីព្រះមហាក្សត្រ កាកបាទក្រហម និងរដ្ឋាភិបាលអាមេរិកផងដែរ។ គួរពុំគួរសូមអធ្យាស្រ័យ នេះជាយោបល់ផ្ទាលខ្លួនរបស់នោះទេ។
សូមបញ្ជាក់ថា តារាចម្រៀងសំនៀងស្អកលោកគ្រូ ហួរ ឡាវី គឺតារាចម្រៀងល្បីល្បាញជំនាន់ឆ្នាំ១៩៩០ ដែលមានបទចម្រៀងល្បីៗជាច្រើនដែលលោកបានបកស្រាយដូចជាបទ «សែនអាល័យ» និងបទ« ថ្ងៃណាបំភ្លេចអូនបាន» ជាដើម៕
អត្ថបទ៖ ចាន់រ៉ា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ១ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»