ជីវិតកម្សាន្ដ

រកបានគូថ្មី ! ប៊ុត សីហា សន្យាធ្វើឲ្យអូនសើចច្រើនជាងយំ

បានផុស

១ year មុន

នៅ

ថ្ងៃព្រហស្បតិ៍ ២០ តុលា ២០២២

ដោយ

តារាចម្រៀងធ្លាប់ជួបរឿងអាស្រូវស្ទើរបាត់មុខពីវិថីសិល្បៈ លោក ប៊ុត សីហា ថ្មីៗនេះ បង្ហាញមុខគូស្នេហ៍ថ្មី ដោយគេសង្ស័យថា លោកនិងនារីម្នាក់នេះ បានភ្ជាប់ពាក្យជាមួយគ្នា កាលពីថ្ងៃទី ១៧ ខែតុលា ឆ្នាំ ២០២២។ តាមរយៈដំណឹងនេះ ធ្វើឲ្យកំលោះពោះម៉ាយកូន ១ រូបនេះ ទទួលបានទាំងការសាទរ និងរិះគន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិតណាស់ថ្វីត្បិតលោក ប៊ុត សីហា កន្លងមកស្ទើរតែបាត់មុខពីវិស័យសិល្បៈ ក្រោយពេលបែកធ្លាយព័ត៌មានអាស្រូវជាបន្តបន្ទាប់ក៏ដោយ តែពេលត្រឡប់ចូលសិល្បៈវិញ ប្រជាប្រិយភាពរបស់លោកមិនថមថយឡើយ។ ក្នុងនោះ ប៊ុត សីហា ក៏បានចេញមុខប្រកាសដោយទទួលស្គាល់ពីកំហុសឆ្គងរបស់ខ្លួន និងបានសច្ចាជាមួយអ្នកម្តាយជាទីស្រលាញ់ថា លោកឈប់ធ្វើឲ្យម្តាយ-ឪពុកពិបាកចិត្តដូចមុនទៀតហើយ ពោលគឺ សីហា សន្យាកែប្រែរាល់កំហុសដែលធ្លាប់កើតមាន។

ដោយឡែកងាកមកចាប់អារម្មណ៍ការសាងគូជីវិតថ្មីជាមួយនារីស្រស់ស្អាតក្រោយបែកបាក់អតីតភរិយា លោក ប៊ុត សីហា បានបញ្ជាក់ថា ការសម្រេចជ្រើសរើសគូជីវិតនេះ ក៏ព្រោះតែអាយុលោកកាន់តែច្រើន ចំណែកអ្នកថ្មីនេះ ក៏ច្បាស់លាស់ និងស្មោះស្ម័គ្រជាមួយលោកដែរ។

លោក ប៊ុត សីហា បានសារភាពថា ”គេច្បាស់លាស់អស់ហើយ អ៊ីចឹងខ្ញុំសុំច្បាស់លាស់ដែរសិនបានកើត ព្រោះអាយុកាន់តែច្រើនហើយ។ មនុស្សដែលព្រមទទួលយើងទាំងដឹងឮថាប្រវត្តិយើងពីមុនបែបណា យើងអាចសន្យានឹងគាត់បានយ៉ាងខ្លីថា នឹងធ្វើឲ្យអូនសើចញញឹមឲ្យច្រើនជាងយំ”។

ជាមួយគ្នា នៃដំណឹងខាងលើ គេឃើញអ្នកប្រើប្រាស់បណ្ដាញសង្គមហ្វេសប៊ុក និងអ្នកគាំទ្រ ចូលរួមអបអរសាទរ ខណៈខ្លះបានរិះគន់ថា មិនទាន់បានជួយម្ដាយឲ្យរស់ស្រួលផង មានលុយក៏យកប្រពន្ធទៀតបាត់ ឮថ្ងៃមុនថា នឹងខំរកប្រាក់ចិញ្ចឹមម្ដាយ ឈប់ខ្វល់រឿងយកគ្រួសារ សីហា នៅតែជា សីហា អត់ប្ដូរសោះ៕

អត្ថបទ ៖ ចាន់ រ៉ា

Related Topics:ប៊ុត សីហា