Rith Omega ស្នើចិត្តមហាជន ឈប់ជាន់ពន្លិច ប៊ុត​ សីហា​ ហើយផ្តល់ឱកាសកែប្រែខ្លួនជាថ្មី

អ្នកដឹកនាំសម្តែងវ័យក្មេង លោក ឃុន ធារិទ្ធិ ហៅ Rith Omega បានអង្វរសុំចិត្តមហាជនក៏ដូចជាអ្នកគាំទ្រ ឈប់រិះគន់ ខឹងតាមជាន់ពន្លិចតារាចម្រៀងប្រុសលោក ប៊ុត​ សីហា បន្តទៀត ព្រោះពេលនេះ ប៊ុត សីហា តាំងចិត្តជាថ្មី​ក្នុងការចាប់ផ្តេីមឡេីងវិញ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតកាលពេលថ្មីៗកន្លងមកនេះ លោក Rith Omega បានស្កាត់ជួបគ្នាជាមួយតារាចម្រៀង និងជាអតី តម្ចាស់ជ័យលាភីក្នុងកម្មវិធី The Voice Cambodia រដូវកាលទី១ លោក ប៊ុត សីហា ដើម្បីពិភាក្សាការងារ ជុំវិញការចាប់ដៃគ្នាក្នុងផលិតចេញនូវបទចម្រៀងបម្រើអារម្មណ៍មហាជនឡើងវិញ ខណ:ពួកគេសង្ឃឹមថា អ្នកគាំទ្រនឹងទុកឱកាសដល់ ប៊ុត សីហា ជាថ្មី។

លោក Rith Omega បានលើកឡើងថា “ខ្ញុំសុំនិយាយយរឿងមួយ សុំបានទេបងប្អូនសូមឈប់ជាន់​ ប៊ុត​ សីហា​ ទៀតទៅ​ សីហ៊ា​ បានអនុវត្តន៍ទោសរួចហេីយ​ ពេលនេះគាត់ចេញមកជាមនុស្សថ្មី​ ហេីយគាត់ក៏បានតាំងចិត្តជាថ្មី​ក្នុងការចាប់ផ្តេីមឡេីងវិញ​” ។

Rith Omega និយាយបន្តថា សីហា កន្លងមកមិនបានលួចឆក់ប្លន់ឫសម្លាប់មនុស្សធ្វេីឱ្យប៉ះពាល់ដល់អ្នកណាទេ​មនុស្សខុសចង់កែ​ តេីអាចផ្តល់ឱកាសឱ្យគាត់ម្តងទៀតបានទេ​ មិនមានអី្វខាតណា​ព្រោះលោកអត់បានសុំឱ្យបងប្អូនជួយជាលុយកាក់អី្វទេ​ គ្រាន់តែសុំបងប្អូនផ្តល់ឱកាស​ដល់គាត់។

លោក Rith Omega និយាយទៀតថា សុំបេីកចិត្តទទួលយកសីហា​ នឹងជួយគាំទ្របទថ្មី សីហា ដែលខ្ញុំបានរៀបចំឱ្យគាត់ ដែលនឹងត្រៀមចេញខែក្រោយនេះផង។ ការគាំទ្របងប្អូនជាកំលាំងចិត្តដ៏សំខាន់មួយសំរាប់អោយសីហាត្រលប់មកវិញ​”។

ជាមួយគ្នាលោក Rith Omega ក៏បានស្នើនឹងសូមឱ្យរាល់ម្ចាស់ PUB និងអ្នកគ្រប់គ្រង PUB ផ្តល់ឱកាស event ឱ្យ ប៊ុត សីហា​ ដេីម្បីបានចំណូលធ្វេីបទចម្រៀងឱ្យលោកផង និងសង្ឃឹមទៀតថា អាចបញ្ឈប់នូវវប្បធម៍ជាន់ពន្លិច ដែលជាន់រហូតដល់ដកដង្ហេីមមិនបានងេីបលែងរួចនោះ៕ អត្ថបទ៖ ចាន់រ៉ា