ជីវិតកម្សាន្ដ
អឿន ម៉ូលីកា ត្រឹម ២ ខែ សម្ញែងរថយន្ត ៤ គ្រឿង ចាយលុយជាង ១ លានដុល្លារ
តារាចម្រៀងស្រីអ្នកនាង អឿន ម៉ូលីកា គេសង្កេតឃើញថា អំឡុងមួយរយៈពេលប៉ុន្មានឆ្នាំចុង ក្រោយនេះ នាងហាក់មានភាពជោគជ័យខ្លាំងលើមុខជំនួញផ្ទាល់ខ្លួន ដែលធ្វើឲ្យតារាស្រីរូបនេះកាន់តែហ៊ឺហាជាមួយការរស់នៅលើគំនរលុយ និងទ្រព្យសម្បត្តិមួយចំនួនធំ។ ហេតុផលនេះហើយ ទើបធ្វើឲ្យតារាស្រី ម៉ូលីកា កាន់តែប្រែមុខប្រែមាត់ខុសប្លែកពីមុន។ ម្យ៉ាងទៀតអ្វីដែលនាងកំពុងមាននាពេលបច្ចុប្បន្ន ត្រូវបានប្រភពបង្ហើបថា ព្រោះតែការខិតខំប្រឹងប្រែងដោយមិនខ្លាចភាពនឿយហត់របស់តារាស្រីរូបនេះ។ ជាក់ស្ដែងត្រឹមរយៈពេល ២ ខែ ម៉ូលីកា សម្ញែងរថយន្ត ៤ គ្រឿង ចាយលុយជាង ១ លានដុល្លារឯណោះ។
ទន្ទឹមគ្នានោះ កាលពីព្រឹកថ្ងៃទី ២៥ ខែតុលា ឆ្នាំ ២០២២ អ្នកនាង អឿន ម៉ូលីកា បានទិញរថយន្តទំនើបម៉ាក Mercedes ពណ៌ខ្មៅ ១ គ្រឿងថែមទៀត ហើយត្រូវឡានខាងក្រុមហ៊ុនដឹកយកទៅឲ្យនាងដល់ផ្ទះវីឡានៅបុរីវារីណា សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ តាំងពីម៉ោង ៤ និង ១៥ នាទីព្រឹកតែម្ដង។ កម្ពុជាថ្មី បានទំនាក់ទំនងដើម្បីសួរនាំពី ម៉ូលីកា តាមទូរស័ព្ទដែរ នៅថ្ងៃរសៀលថ្ងៃទី ២៥ ខែតុលានេះ តែនាងមិនប្រាប់ពីតម្លៃរថយន្តនោះទេ ដោយគ្រាន់តែបង្ហើបយ៉ាងខ្លីថា Mercedesជាប្រភេទរថយន្ត ១ ដែលនាងស្រលាញ់ក្នុងចំណោមឡានក្នុងក្ដីស្រមៃរបស់នាង។
បើតាមការបង្ហើបពីអ្នកដែលនិយមជិះរថយន្តប្រភេទ Mercedes បានឲ្យដឹងថា រថយន្តរបស់ ម៉ូលីកា ដែលទើបបញ្ជាទិញនោះមានតម្លៃជិត ១៦ ម៉ឺនដុល្លារឯណោះ។
សូមបញ្ជាក់ដែរថា ត្រឹមតែរយៈពេល ២ ខែចុងក្រោយនេះប៉ុណ្ណោះ ដែល អឿន ម៉ូលីកា បានទិញរថយន្តទំនើបៗដល់ទៅ ៤ គ្រឿង ក្នុងពេលកៀកៗគ្នា។ ក្នុងនោះកាលពីចុងខែកញ្ញា នាងបានទិញរថយន្តទំនើបម៉ាក Escalade ពណ៌ខ្មៅ ១ គ្រឿង តម្លៃជិតកន្លះលានដុល្លារ,ហើយនៅខែតុលា នាងបានទិញរថយន្តទំនើបដល់ទៅ ៣ គ្រឿង ម៉ាកខុសៗគ្នា ក្នុងនោះមានរថយន្តម៉ាក Ferrari-488GTB ពណ៌ក្រហម តម្លៃ ៣៥ ម៉ឺនដុល្លារ,រថយន្តម៉ាក BM W តម្លៃ ៨ ម៉ឺនដុល្លារ និងរថយន្តចុងក្រោយម៉ាកMercedes ពណ៌ខ្មៅ ថ្លៃជិត ១៦ ម៉ឺនដុល្លារនេះ ដែលគ្រាន់តែសរុបពីតម្លៃរថយន្តខាងលើនេះនាងចំណាយដល់ទៅខ្ទង់ជាង ១ លានដុល្លារ៕
អត្ថបទ ៖ ចាន់រ៉ា
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ