ឌី សូនីតា ប្រាប់អ្នកគាំទ្រថា មិនចង់រលឹក អេឡិចហ្សូ រ៉ា ព្រោះចង់ទុកពេលស្ងប់ស្ងាត់មួយរយ:សិន

បន្ទាប់ពីមានការសួរនាំ និងសង្ស័យពាក់ព័ន្ធរឿងរ៉ាវស្នេហារវាងតារាស្រី ឌី សូនីតា និងលោក អេឡិច ហ្សូរ៉ា ថា អាច​ឈានដល់ផ្លូវនៃការបែកបាក់គ្នាព្រោះអំឡុងមួយរយ:ចុងក្រោយហាក់មិនឃើញអ្នកទាំងពីរបង្ហាញភាពផ្អែមល្ហែមនោះស្រាប់តែ ឌី សូនីតា បានប្រកាសថា នាងចង់ទុកពេលស្ងប់ស្ងាត់មួយរយ:សិន។

អ្នកនាង ឌី សូនីតា បបានរៀបរាប់ថា ខ្ញុំមិនដែលចង់ឃើញអ្នកអាក្រក់ម្តងណាឡើយ បើទោះបីដោយសារតែអ្នកខ្នងរបស់ខ្ញុំវាសុះទៅដោយស្នាមកាំបិត ស្នាមព្រួញយ៉ាងណាក៏ដោយ។ អរគុណសម្រាប់ពាក្យខមមិនជាច្រើនរបស់បងប្អូនទាំងអស់គ្នា ខ្ញុំមិនបានតបអស់សូមកុំប្រកាន់ខ្ញុំអីណាបងប្អូន។ អរគុណដែលយល់ពីពួកខ្ញុំ ហើយខ្ញុំមិនបានឆ្លើយនៅខមមិនបងប្អូនដែលសួររកបងសូរ៉ា ។

តារាស្រីអ្នកនាង ឌី សូនីតា បន្តទៀតថា បងសូរ៉ា គាត់សុខទុកធម្មតាទេ ប៉ុន្តែមូលហេតុដែលខ្ញុំមិននិយាយពីគាត់ ព្រោះខ្ញុំចង់នៅស្ងប់សុខមួយរយ: មិនចង់រំលឹកមិនចង់ជួប មិនចង់ដឹង មិនចង់ឮ ខ្ញុំហត់ណាស់ ។ សុំទុកពេលអោយខ្ញុំបន្តិច ខ្ញុំសុំទោសខ្ញុំនឹងបកស្រាយពេលក្រោយ បន្ទាប់ពីប្រឡងចម្រៀងចប់ ខ្ញុំសុំទុកពេលគិតរឿងប្រឡងសិនណាបងប្អូនណា ខ្ញុំក៏កំពុងព្យាបាលជំងឺស្ត្រេសដែលរើឡើងវិញដោយលាបប្រេងអុីកូរ៉ាយរាល់ថ្ងៃ ។

ជាមួយគ្នានៃការលើកឡើងខាងលើនេះ គេឃើញមានអ្នកគាំទ្រ និងទស្សនិកជនជាច្រើនបានសម្តែងការលើកទឹកចិត្តចំពោះតារាស្រីអ្នកនាង ឌី សូនីតា គ្រប់គ្នា។ កម្ពុជាថ្មី​ នៅរសៀលថ្ងៃទី២៨ ខែតុលា ឆ្នាំ២០២២ បានព្យាយាមស្វែងរកការសួរនាំបន្ថែមពីអ្នកនាង ឌី សូនីតា និងលោក ចន អេឡិចហ្សូរ៉ា ដែរប៉ុន្តែមិនអាចទាក់ទងបានឡើយ៕

អត្ថបទ៖ ចាន់រ៉ា