ជីវិតកម្សាន្ដ
តារាចម្រៀង ១២ដួង មានកិត្តិយសច្រៀងក្នុងពិធីជប់លៀងធំ នៃកិច្ចប្រជុំកំពូលអាស៊ាន
ក្រសួងវប្បធម៌ និងវិចិត្រសិល្បៈ នៃព្រះរាជាណាចក្រកម្ពុជា បានរៀបចំសិល្បៈបុរាណ សម័យ និងសហសម័យ ដោយជ្រើសរើសតារាចម្រៀងប្រចាំប្រទេសចំនួន ១២ដួង ច្រៀងចម្រៀងជាតិ និងអន្តរជាតិ ដើម្បីទទួលស្វាគមន៍ប្រមុខរដ្ឋ និងគណៈប្រតិភូដែលនឹងអញ្ជើញចូលរួម ពិធីជប់លៀងធំ នៃកិច្ចប្រជុំកំពូលអាស៊ាន ក្នុងនាម កម្ពុជា ជាម្ចាស់ផ្ទះ។
បណ្ឌិត គឹម ពីនន់ អនុរដ្ឋលេខាធិការ នៃក្រសួងវប្បធម៌ និងវិចិត្រសិល្បៈ មានប្រសាសន៍ប្រាប់ “កម្ពុជាថ្មី” ថា នៅថ្ងៃទី១១ មានព្រឹត្តិការណ៍ធំគឺ ពិធីបើកកិច្ចប្រជុំកំពូលអាស៊ាន ដែលមានសម្ដេចតេជោ នាយករដ្ឋមន្ត្រី ជាប្រមុខ អញ្ជើញចូលរួមផងនោះ ក្រសួងវប្បធម៌ និងវិចិត្រសិល្បៈនឹងរៀបចំកម្មវិធី២ ទី១ គឺច្រៀងគោរពទង់អាស៊ាន ទី២ គឺសម្ដែងរបាំបង្កើតថ្មី ឈ្មោះថា របាំស្វាគមន៍កិច្ចប្រជុំកំពូលអាស៊ាន ឆ្នាំ២០២២។
បណ្ឌិត គឹម ពីនន់ មានប្រសាសន៍បន្តថា ចំពោះព្រឹត្តិការណ៍ធំបំផុត គឺ Gala Dinner ជាពិធីជប់លៀងធំ ក្រសួងវប្បធម៌ទទួលរៀបចំសិល្បៈចម្រុះ មានក្រុមសិល្បករ និងតន្ត្រីករជាង ២០០នាក់ មានរបាំក្បាច់បុរាណ របាំប្រពៃណី របាំសហស្សសម័យ និងការប្រគុំតន្ត្រីដោយមានតារាចម្រៀងល្បីៗ ដែលច្រៀងទាំងភាសាខ្មែរ និងភាសាអង់គ្លេស រហូតដល់ ១២ រូប មានដូចជា៖
លោក ម៉ៅ ហាជី
កញ្ញា តន់ ច័ន្ទសីម៉ា
លោក Mike
លោក ឯក ស៊ីដេ
លោក ដួង វីរៈសិទ្ធ
កញ្ញា បាន មុន្នីលក្ខណ៍
លោក ព្រាប សុវត្ថិ
លោកស្រី ហ៊ឹម ស៊ីវន
លោក រស់ ខេមរិន
កញ្ញា រស់ កែវធីតា
លោក គង់ សុធារិទ្ធ
កញ្ញា ចំរើន សុភា
ក្នុងការអញ្ជើញពិនិត្យការហាត់សមរបស់តារាចម្រៀង លោកឧបនាយករដ្ឋមន្ត្រី ប្រាក់ សុខុន បានផ្ដល់អនុសាសន៍ល្អៗបន្ថែម ដោយរាល់ការឡើងបកស្រាយរបស់តារាចម្រៀង ត្រូវតែមានអ្នករាំអមពីក្រោយ ហើយក្រសួងបានរើសអ្នករាំពូកែៗដើម្បីរាំអមអ្នកចម្រៀង ខណៈឆាកសម្ដែងមានទំហំធំ មានមុខឆាកប្រវែងជាង ៣០ម៉ែត្រ។
គួរបញ្ជាក់ថា Gala Dinner នឹងរៀបចំនៅថ្ងៃទី១២ ខែវិច្ឆិកា ឆ្នាំ២០២២ ចាប់ពីវេលាម៉ោង ១៩ និង ៣០នាទី ដល់ម៉ោង ២១ និង៣០នាទី នៅមជ្ឈមណ្ឌលសន្និបាត និងពិព័រណ៍អន្តរជាតិជ្រោយចង្វារ OCIC (Overseas Cambodian Investment Corporation)។ ក្នុងព្រឹត្តិការណ៍កិច្ចប្រជុំកំពូលអាស៊ាន មានព្រឹត្តិការណ៍អម គឺមហោស្រពវប្បធម៌អាស៊ាន ប្រធានបទ “មហោស្រពវប្បធម៌អាស៊ានក្នុងស្មារតីសាមគ្គី ដើម្បីសន្តិភាព”។ ក្នុងនោះ កម្ពុជា នឹងយកទម្រង់សិល្បៈចម្រុះ ដែលមានចំណងជើងថា “មហាភារតៈ” សម្ដែង នៅថ្ងៃទី១០ ទី១១ ខែវិច្ឆិកា ឆ្នាំ២០២២នេះ ចាប់ពីម៉ោង៦ នៅមហោស្រពចតុម្មុខ៕
អត្ថបទ៖ ច័ន្ទ វីរៈ
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៤ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម២១ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ