ជីវិតកម្សាន្ដ
អឿន ម៉ូលីកា ត្រូវបានអាខោន Facebook មួយទម្លាយថា ជំពាក់លុយតុងទីនរាប់លានដុល្លារ តែសាមីខ្លួនបដិសេធ
តារាចម្រៀង និងជាមេតុងទីនអ្នកនាង អឿន ម៉ូលីកា ដែលទើបតែជួបបញ្ហាគ្រោះថ្នាក់ចរាចរណ៍កាលពីថ្មីៗនោះមិនទាន់បានប៉ុន្មានផង ពេលនេះស្រាប់តែផ្ទុះរឿងដ៏រសើបថ្មីទៀត ពោលគឺត្រូវរងការព្រមានសុវត្ថិភាពពីជនអនាមិក និងត្រូវគេចោទថាជំពាក់លុយតុងទីនរាប់លានដុល្លារ។ ប៉ុន្តែសាមីខ្លួន ម៉ូលីកា ឆ្លើយបដិសេធរឿនគេចោទថា ជំពាក់លុយតុងទីន។
បើយោងតាមប្រភពព័ត៌មានបានឲ្យដឹងថា អតីតតារាចម្រៀងអ្នកនាង អឿន ម៉ូលីកា ដែលបច្ចុប្បន្នប្រែក្លាយជាមេតុងទីនធំមួយនោះត្រូវបានក្រុមជនអានាមិកផ្ញើសារជាអក្សរផង សម្លេងនិងរូបភាពកាំភ្លើងខ្លី និងអាកាផងដែរដើម្បីព្រមានមកលើនាងដោយខ្លះនិយាយបង្ខូចកេរ្ដិ៍ឈ្មោះនាង និងខ្លះទៀតព្រមានឲ្យនាងប្រគល់លុយជាថ្នូរពួកគេមិនធ្វើឲ្យនាងគ្រោះថ្នាក់ជាដើម។
ចំពោះខ្លឹមសារដែលជនអាណាមិកផ្ញើទៅតារាស្រី ម៉ូលីកា តាមរយ:គណនីហ្វេសប៊ុកឈ្មោះ Kim Sophary នោះមានដូចជាពាក្យ ”មេតុងទីនជំពាក់លុយតុងទីនរាប់លានដុល្លារ ហើយសុំមិនឲ្យគេផុស គ្នាខ្លាចអត់បានលុយចេះតែចាញ់បោកវា តែខ្ញុំអត់ព្រមទេ វាយកលុយគេទិញឡានហ៊ឺហារ ដេញតុងទីនមិនដែលបានលុយគ្រប់ម៉េច ឲ្យគេរំលស់ កូនស្គាល់វា បើមិនជំពាក់គេវ័ន្តក បើមិនអ៊ីចឹងវាជំពាក់កូនរាប់រយនាក់រាល់ថ្ងៃ ហើយវានឹងប្រមូលលុយអ្នកថ្មីសងអ្នកចាស់ អ៊ីចឹងមានន័យថា ចង់បោកអ្នកថ្មីសងចាស់ដែលវាបោកមែន វីដេអូមានទៀតចាំផុស ឲ្យអស់ព្រោះអាណិតអ្នកក្រោយគ្នាមិនដឹងអី ខ្ញុំអ្នកមុនអត់បានលុយហើយខ្ញុំយល់អារម្មណ៍”។
បន្ទាប់ពីមានការទម្លាយបែបនេះ សាមីខ្លួនអ្នកនាង អឿន ម៉ូលីកា ភ្លាមៗនោះបានឆ្លើតបវិញយ៉ាងខ្លីថា ”ចង់និយាយថាធ្វើអ៊ីចឹង បានអីមកវិញ ផុសនឹងចង់បានអីឲ្យប្រាកដ ម៉េចមិនយកអាខោនពិតមកផុសមកបើខ្លាំង”។
ជាមួយគ្នានេះដែរអ្នកនាង ម៉ូលីកា ក៏បានចេញវីដេអូ Live កាលពីរសៀលថ្ងៃទី០៩ ខែវិច្ឆិកា ឆ្នាំ២០២២ ថា អ្នកនាងមិនដែលស្គាល់ជនតាមបំផ្លាញខ្លួនទាំងនោះទេ ព្រោះពួកគេមិនមែនជាកូនតុងទីនរបស់នាងឡើយ។ យ៉ាងណាមិញនាងសូមឲ្យក្រុមទាំងនោះចេញមកបញ្ជាក់ឲ្យច្បាស់មកថា តើនាងបោកលុយគេអស់ប៉ុន្មាន? នាងថាអាខោន Fake ទាំងនោះគម្រាមឲ្យនាងប្រគល់លុយបើមិនអ៊ីចឹងទេគេនឹងបាញ់ ឬសម្លាប់ចោលហើយក្រុមនោះបានប្រើអាខោន ប្លែកៗទាំងអស់។
អ្នកនាង អឿន ម៉ូលីកា បានធ្វើការព្រមាវិញថា អ្នកណាដែលចង់បង្ខូចកេរ្តិ៍ឈ្មោះរបស់នាង គឺនាងមិនឲ្យពួកគេរួចខ្លួនជាដាច់ខាត ព្រោះអ្វីៗនឹងត្រូវធ្វើទៅតាមផ្លូវច្បាប់ទាំងអស់ ខណៈដែលពេលនេះនាងបានដឹងតម្រុយខ្លះៗពីអ្នកនៅក្រោយខ្នងជនទុច្ចរិតទាំងនោះហើយ ប៉ុន្ដែនាងមិនទាន់បង្ហើបថា ជាអ្នកណាទេព្រោះស្ថិតក្នុងតំណាក់កាលស៊ើបអង្កេតពីក្រុមការងាររបស់នាង។
ម៉ូលីកាថា ក្រោយមានជនមួយក្ដាប់តូចមកចោទប្រកាន់នាងដោយគ្មានមូលដ្ឋានច្បាស់លាស់បែបនេះ ទង្វើរនោះមិនប៉ះពាល់ដល់សេចក្ដីទុកចិត្តរបស់កូនតុងទីននាងឡើយ ព្រោះពួកគេនៅតែមានជំនឿរមកលើនាងដូចដើមដដែល។ ម្យ៉ាងទៀតករណីដែលមានក្រុមជនផ្ញើសារទាំងអក្សរ សម្លេងនិងរូបភាពជាកាំភ្លើងផងព្រមានដល់អាយុជីវិតនាងបែបនេះម៉ូលីកា បញ្ជាក់ដែរថា ក្រុមនោះមិនអាចគេចផុតពីសំណាញ់ច្បាប់បានឡើយហើយនាងនឹងវែកមុខលាតត្រដាងពួកគេនាពេលខាងមុខនេះ៕
អត្ថបទ៖ ចាន់រ៉ា
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ