ជីវិតកម្សាន្ដ

កាន់តែស្រណោះ! បងប្អូនត្រកូល”ខាត់” លេងភ្លេងខ្មែរច្រៀងជូនដំណើរ ខាត់ ចំរើន លើកចុងក្រោយ

បានផុស

២ years មុន

នៅ

ថ្ងៃអង្គារ ២២ វិច្ឆិកា ២០២២

ដោយ

មរណភាពរបស់តារាកំប្លែងលោក ខាត់ ចំរើន ធ្វើឲ្យសិល្បករ-សិល្បការិនីខ្មែរ និងអ្នកគាំទ្រជាច្រើន បានសម្ដែងក្ដីសោកស្ដាយអាឡោះអាល័យជាពន់ពេក ព្រោះជាការបាត់បង់នូវធនធានសិល្បករដ៏មានប្រជាប្រិយភាព និងទេពកោសល្យផ្នែកសិល្បៈស្ទើរគ្រប់ទម្រង់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះការស្លាប់ដោយវ័យក្មេង និងបន្សល់ទុកស្នាដៃសិល្បៈជាច្រើនរបស់លោក ខាត់ ចំរើន នេះ បានធ្វើឲ្យបងប្អូនក្រុមគ្រួសារត្រកូល”ខាត់” ទាំងមូល យំសោកសង្រេងគ្រប់គ្នា ដោយសារការបាត់បង់មនុស្សជាទីស្រលាញ់ចេញពីគ្រួសារពួកគេគ្មានថ្ងៃត្រឡប់វិញឡើយ។ អ្វីដែលគេកត់សម្គាល់ឃើញទៀតនោះ នៅក្នុងពិធីបុណ្យសពលោក ខាត់ ចំរើន គឺបងប្អូនត្រកូល”ខាត់” ទាំងអស់ រួមទាំងប្រពន្ធកូន បានលេងភ្លេងខ្មែរច្រៀងជូនដំណើរ ខាត់ ចំរើន លើកចុងក្រោយ។

ឃើញទិដ្ឋភាពនេះបានធ្វើឲ្យអ្នកគាំទ្រ មហាជន និងអ្នកប្រើប្រាស់បណ្ដាញសង្គមហ្វេសប៊ុកជាច្រើនរឹតតែរំជួលចិត្ត អាណិត និងស្រណោះចំពោះតារាកំប្លែងលោក ខាត់ ចំរើន ដែលបានចែកឋានទៅហើយនោះ។

បើតាមការបញ្ជាក់ឲ្យដឹងពីតារាពហុជំនាញអ្នកនាង ខាត់ សុឃីម បានលើកឡើងថា គិតចាប់ពីដើមឆ្នាំ ២០២០ មកដល់បំណាច់ឆ្នាំ ២០២២ នេះ គ្រួសារនាងបានបាត់បង់មនុស្សជាទីស្រលាញ់ចំនួន ៣ នាក់ មកហើយ គឺ ៖ ១.លោកឪពុកជាទីស្រលាញ់លោក លាវ ខាត់ ទទួលមរណភាពនៅដើមឆ្នាំ ២០២០ ,២.ប្អូនថ្លៃស្រីត្រូវជាភរិយាលោក ខាត់ យៃ ឈ្មោះ លីម ស្រីណែត បានទទួលមរណភាពទាំងវ័យក្មេងនាអំឡុងឆ្នាំ ២០២១ និង ៣.លោក ខាត់ ចំរើន ដែលជាប្អូនប្រុសបង្កើត បានទទួលមរណភាពកាលពីព្រឹកថ្ងៃទី ២០ ខែវិច្ឆិកា ឆ្នាំ ២០២២ ក្នុងវ័យ ៤០ ឆ្នាំ ដោយសារជំងឺក្រិនថ្លើម បេះដូង និងក្រលៀន៕

អត្ថបទ ៖ ចាន់រ៉ា