សឿ សុធារ៉ា សំពះសុំទោស សូ ដានីតា ជាសាធារណ: ពាក់ព័ន្ធរឿងបំណុលជិត៥ម៉ឺនដុល្លារ

បន្ទាប់ពីមានប្រតិកម្មរបស់តារាចម្រៀង សូ ដានីតា ជុំវិញការឡាយពីសំណាក់តារាស្រីអ្នកនាង សឿ សុធារ៉ា ដែលនិយាយហាក់ប៉ះពាន់ផ្លូវអារម្មណ៍ក្រោយការប្រកាសលើកលែងបំណុលជិត៥ម៉ឺនដុល្លារកាលពីថ្មីៗនោះ ដោយដឹងកំហុសពេលនេះតារាស្រី សឿ សុធារ៉ា បានចេញមុខសុំទោសជាសាធារណ:ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្អែកតាមវីដេអូសុំទោសរបស់តារាស្រី សឿ សុធារ៉ា បាននិយាយដោយសម្តីមួយៗដូច្នេះថា នាងមានការសោកស្តាយនូវកំហុសឆ្គងដែលនិយាយមិនបានគិតធ្វើឲ្យប៉ះពាល់អារម្មណ៍អ្នកនាង សូ ដានីតា ព្រោះពេលនេះកំពុងតែវិលវល់ក្រោយម្តាយចែកឋាន។ អ្នកនាង សឿ សុធារ៉ា បានលើកដៃសំពះសុំទោសដល់ សូ ដានីតា ដើម្បីលើកលែងឲ្យខ្លួន ពិសេសរឿងរំលាយបំណុលជិត៥ម៉ឺនដុល្លារ។

អ្នកនាង សឿ សុធារ៉ា ក៏បានថ្លែងការអរគុណចំពោះទឹកចិត្តសប្បុរសរបស់អ្នកនាង សូ ដានីតា ផងដែរដែលបានយោគយល់ និងលើកលែងការជំពាក់បំណុលជិត៥ម៉ឺនដុល្លារ។ ដោយឡែកសម្រាប់អ្នកនាង សូ ដានីតា ក្រោយឃើញបែបនេះនាងក៏បានឆ្លើយតបដោយចិត្តត្រជាក់វិញថា ចាសអូនបងក៏លំបាកដែរ តែបងអត់ចេះជាន់មនុស្សដែលកំពុងមានបមញ្ហាទេអូន បងតែងតែលើកលែង។ បងជូនពរប្អូនដូចគ្នា បងអត់បានទុកក្នុងចិត្តទេ ស៊ូៗឡើង(បញ្ចប់ចុះ)។

តាមការកត់សម្គាល់តារាសម្ដែងស្រីអ្នកនាង សឿ សុធារ៉ា ចាប់តាំងពីអ្នកម្ដាយជាទីស្រលាញ់ទទួលមរណភាពកាលពីកន្លងទៅ គឺនាងហាក់រងនូវសម្ពាធផ្លូវចិត្តកាន់តែខ្លាំង។ មិនតែប៉ុណ្ណោះរាល់ការនិយាយស្តីរបស់នាងក៏ខុសប្លែកពីគ្រាមុនៗពោល គឺហាក់មានភាពវង្វេងរង្វាន់ភ្លេចមុខភ្លេចក្រោយតែម្តង៕

អត្ថបទ៖ ចាន់រ៉ា