ក្រុម Apink នឹងត្រលប់មកវិញ ជាមួយអាល់ប៊ុមថ្មីនៅឆ្នាំ ២០២៣

យោងទៅតាមបទសម្ភាសន៍រវាងសារព័ត៌មាន MHN Sports ជាមួយ Oh Hayoung នៃក្រុម Apink បានប្រកាស ថា នាងនឹងសមាជិកផ្សេងទៀតកំពុងត្រៀមខ្លួនសម្រាប់ការត្រលប់មកវិញជាមួយអាល់ប៊ុមថ្មីក្នុងឆ្នាំ ២០២៣។

នៅក្នុងបទសម្ភាសន៍ Oh Hayoung បាននិយាយថា “អាល់ប៊ុមរបស់ Apink នឹងចេញក្នុងពេល ឆាប់ៗនេះ យើងកំពុងរៀបចំយ៉ាងលំបាក។ ចាប់តាំងពីពួកយើងបានឃ្លាតឆ្ងាយពីគ្នាយូរមក វាហាក់បីដូច ជាដល់ពេលដែលត្រូវនិយាយសួស្តីម្តងទៀតជាមួយនឹងអាល់ប៊ុម ដែលពួកយើងកំពុងធ្វើការ ”។

យ៉ាងណាមិញ កាលពីខែកុម្ភៈ Apink បានចេញអាល់ប៊ុមគម្រប់ខួប ១០ ឆ្នាំនៃការបង្ហាញខ្លួនក្នុង សិល្បៈ ហើយស្របពេលជាមួយនឹងការត្រលប់មកវិញ ក្រុមចម្រៀងនេះបានឈរនៅលើតារាង តន្ត្រីសំខាន់ៗដូចជា Melon real-time chart, Bugs, និង Genie ហើយបានចូលក្នុងតារាងអាល់ប៊ុមកំពូលទាំង ៣ របស់ iTunes ក្នុង ១២ ប្រទេស ៕

ប្រែសម្រួល៖នាងតូច

ចុចអាន៖លេចឮខ្សែប្រយុទ្ធលេខ ៩ Cho Gue-sung មានទំនាក់ទំនងស្នេហាជាមួយតារាម៉ូដែលម្នាក់