គ្មានរូបគូរ៉ូមែនទិច តែមិត្តស្រី Mario បង្ហោះសារជូនពរខួបកំណើត ផ្អែមសឹងលើសជាតិស្ករ

ទោះបីរងពាក្យរិះគន់មិនឈប់ពាក់ព័ន្ធនឹងរឿងដែលថាខ្លួនមិនសក្តិសមនឹងមិត្តប្រុសយ៉ាងណាក្ដី ប៉ុន្តែមិត្តស្រីតារាសម្ដែង​ Mario នៅតែបង្ហាញភាព​ផ្អែមល្ហែមជាមួយគ្នាជារឿយៗ ជាពិសេសថ្មីៗនេះនាងបានបង្ហោះសារជូនពរសង្សារបណ្ដូលចិត្តក្នុងថ្ងៃខួបកំណើតយ៉ាងផ្អែមមុត ធ្វើឱ្យទស្សនិកជនបានអានហើយ ពិតជាអៀនជំនួសពួកគេ។

កាលពីថ្ងៃទី៤ ខែធ្នូ ឆ្នាំ២០២២ ម្សិលមិញ Junji បានបង្ហោះសារជូនពរថ្ងៃកំណើតតាមរយៈ IG ផ្ទាល់ខ្លួនរបស់នាង ដោយគ្មានរូបថតគូរ៉ូមែនទិចអ្វីឡើយ ប៉ុន្តែខេបសិនរបស់នាងវារ៉ូមែនទិចជាងរូបថតរាប់សិបដងទៅទៀត។ ទោះបីជាគ្មានរូបគូស្នេហ៍ក៏ដោយ តារាចម្រៀងស្រីរូបនេះ បានបង្ហោះរូបភាពឆ្កែដ៏គួរឲ្យស្រឡាញ់មួយក្បាល អមជាមួយនឹងការ tag ទៅកាន់ IG របស់ Mario ហើយសរសេរថា “រីករាយថ្ងៃកំណើត អូនប្រហែលជាមិនអាចផ្តល់អ្វីឱ្យ P’O ច្រើនដូចអ្វីដែល P’O មាននោះទេ។ ប៉ុន្តែអ្វីដែលអូននឹងធ្វើជារៀងរហូត គឺធ្វើជាអ្នកគាំទ្រដ៏ល្អម្នាក់ មិនថាបងធ្វើអ្វី ទោះបងសប្បាយចិត្ត ឬកើតទុក្ខក៏ដោយ អូននឹងនៅក្បែរ P’O ជានិច្ច” ។

បន្ទាប់ពីសារបានចែករំលែកនៅលើបណ្ដាញសង្គម ក្រៅពីមានអ្នកគាំទ្រចូលរួមជូនពរ Mario នៅថ្ងៃកំណើត គូស្នេហ៍ទាំង​ពីរ​បានឆ្លើយឆ្លងខមមិនយ៉ាង​ផ្អែម​ល្ហែម​ និង​បាន​ផ្ញើ Emoji បេះដូង​ពេញ IG ហើយ Mario បាន​តបទៅកាន់មិត្តស្រី​ថា “អរគុណបាទ” ៕

ប្រែសម្រួល៖ សន្យា

ចុចអាន៖ មូលហេតុមួយធ្វើឱ្យ Mario លាក់មុខមិត្តស្រីរហូត ៨ឆ្នាំ