ជីវិតកម្សាន្ដ

លីវ ជីលី មិនភ្លេចគុណលោក អ៊ិន សុភិន ខណៈការប្រកួត MGC៣ ឆ្នាំ បវរកញ្ញាចូល Top ទាំងបី

បានផុស

៣ years មុន

នៅ

ថ្ងៃពុធ ២១ ធ្នូ ២០២២

ដោយ

ថ្វីត្បិតពេលនេះលោក អ៊ិន សុភិន បានប្រកាសឈប់ធ្វើកម្មវិធី Miss grand Cambodia ជាផ្លូវការហើយក៏ពិតមែន តែបវរកញ្ញា លីវ ជីលី ដែលជាម្ចាស់មកុដ Miss grand Cambodia២០២០ នៅតែបង្ហាញការដឹងគុណចំពោះលោក អ៊ិន សុភិន ក្នុងការដឹកនាំបវរកញ្ញាចេញទៅប្រកួតលើឆាកអន្តរជាតិ ៣ ឆ្នាំ គឺបវរកញ្ញាចូល Top ទាំងបី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាអារម្មណ៍ពិតរបស់បវរកញ្ញា លីវ ជីលី ថ្លែងទៅកាន់លោក អ៊ិន សុភិន នាពេលនេះ នាងបានលើកឡើងថា នាងខ្ញុំសូមគោរពអរគុណទៅកាន់លោកពូ In Sophin ដែលបានបង្កើតកម្មវិធី Miss grand Cambodia ចំនួន ៣ ឆ្នាំបន្តបន្ទាប់ រងព្យុះភ្លៀងជាច្រើន តែក៏សំណាងល្អ ៣ ឆ្នាំ យើងទទួលបាន Top ទាំង ៣។

កញ្ញាឯករូបនេះ បានបន្តថា បើគ្មានកម្មវិធីរបស់លោកពូ ក៏ក្មួយមិនមានដល់ចំណុចនេះដែរ អរគុណលោកពូដែលធ្វើឲ្យបងប្អូនយើងមួយចំនួនស្គាល់វិស័យបវរកញ្ញាកាន់តែច្បាស់ លោកពូហត់ពេកហើយ សម្រាកខ្លះចុះ។ ប្រាកដណាស់ លោក អ៊ិន សុភិន ដែលកន្លងមកធ្លាប់ជាស្ថាបនិកក្នុងកម្មវិធីប្រកួតបវរកញ្ញាមួយនេះបានដឹកនាំបវរកញ្ញាចេញទៅប្រកួតលើឆាកអន្តរជាតិដូចជា,បវរកញ្ញា លីវ ជីលី ,កញ្ញា ប៉ូគឹមថេង សុទ្ធធីតា និងបវរកញ្ញា ពេជ្រ វត្តីសារ៉ាវឌ្ឍី ជាដើម។

គួរបញ្ជាក់ថា កម្មវិធីប្រកួតបវរកញ្ញានៅកម្ពុជា គឺ Miss Grand Cambodia បានលេចវត្តមានជាច្រើនឆ្នាំមកហើយ ក្រោមការដឹកនាំ និងរៀបចំគ្រប់គ្រងដោយលោក អ៊ិន សុភិន ដែលជាថៅកែផលិតកម្មមហាហង្ស។ ក្នុងការប្រកួតជ្រើសរើសជាច្រើនឆ្នាំមកនេះ លោកតែងនាំយកបវរកញ្ញាដែលជាប់ជយលាភីចេញទៅប្រកួតលើឆាកអន្តរជាតិជាបន្តបន្ទាប់។

ប៉ុន្តែអ្វីដែលកាន់តែធ្វើឲ្យអ្នកគាំទ្រ ពិសេសអ្នកនិយមតាមដានវិស័យបវរកញ្ញានៅកម្ពុជាមានការភ្ញាក់ ផ្អើលនោះ ក្រោយការដឹកនាំបវរកញ្ញាតំណាងកម្ពុជាចេញទៅប្រកួតនៅលើឆាកអន្តរជាតិបានមួយរយៈ ស្រាប់តែលេចដំណឹងថា លោក អ៊ិន សុភិន បានប្រកាសសម្រេចឈប់ធ្វើកម្មវិធីប្រកួត Miss Grand Cambodia ចាប់ពីឆ្នាំ ២០២៣ នេះតែម្ដង៕

អត្ថបទ ៖ ចាន់រ៉ា