ទីបំផុត Kylie Jenner ប្រកាសឈ្មោះកូនប្រុសទីពីរជាសាធារណៈហើយ

បន្ទាប់ពីលាក់ឈ្មោះអស់រយះពេលដ៏យូរ អ្នកម៉ាក់ Kylie បានបញ្ចេញឈ្មោះកូនទីពីរហើយគឺ “AIRE” ។ កូនប្រុសពៅ Kylie កើតក្នុងខែកុម្ភៈ ឆ្នាំ២០២២ បើគិតមកដល់ពេលនេះ AIRE មានអាយុជិតមួយខួបហើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅលើរូបភាពដែល Kylie Jenner បង្ហោះលើ Instagram របស់នាងទទួលបានមតិជាច្រើនពីមិត្តភក្ដិ និងគ្រួសារជាទីស្រលាញ់ ។ 

សូមរំលឹកដែរថា ឈ្មោះ “Wolf” មិនត្រូវបានប្រើប្រាស់បន្តទៀតឡើយព្រោះ Kylie និងស្វាមី គិតថាវាមិនសូវសមនឹងកូនរបស់ខ្លួន ។ ណាមួយការលាក់បាំងពីកូនៗមិនមែនជាលើកទីមួយសម្រាប់សេដ្ឋនីវ័យក្មេងរូបនេះទេ សូម្បីតែកាលពរពោះកូនស្រី Stormi ក៏នាងធ្លាប់លាក់យ៉ាងជិតឈឹងរហូតដល់សម្រាលកូនទើបប្រាប់សាធារណៈជន ។ 

ត្រឡប់ទៅឆ្នាំ ២០២១ ខែឧសភា វិញ Kylie បាននិយាយថា “ធ្វើជាម្ដាយគឺជាការផ្លាស់ប្ដូរដ៏ធំមួយសម្រាប់ខ្ញុំ ខ្ញុំបានលូតលាស់ទៅជាមនុស្សពេញលេញ និងដើរទៅមុខជារៀងរាល់ថ្ងៃ” នាងបង្ហើយថា “ខ្ញុំស្រលាញ់ការរៀនសូត្រ និងកំពុងព្យាយាមក្លាយខ្លួនជាមនុស្សល្អបំផុតតាមដែលអាចធ្វើទៅរួច ទោះបីជាប៉ុន្មានឆ្នាំនេះពិបាកយ៉ាងណាក៏ដោយ ខ្ញុំតែងតែគិតពីពេលវេលាល្អៗដែលអាចចំណាយជាមួយគ្រួសាររបស់ខ្ញុំគ្រប់ពេល” ៕

ប្រែសម្រួលដោយ ៖ វារី

ចុចអាន ៖ Kylie Jenner សម្រក់ទឹកភ្នែក ៣ សប្ដាហ៍ ក្រោយសម្រាលកូនប្រុសទី ២