តួឯកស្រីរឿង Avatar ក្លាយជារាជិនីនៅ Box Office ក្រោយរកចំណូលបានលើសគេបង្អស់

តារាសម្ដែង Zoe Saldaña តួឯកស្រីក្នុងខ្សែភាពយន្ត Avatar ទាំងពីរវគ្គ ក្លាយរាជិនីកំពូលគេបង្អស់ នៅលើ Box Office បន្ទាប់ពីរកចំណូលបានជិត ១០០លានដុល្លារអាមេរិកក្នុងមួយឆ្នាំ ក្រោយពេលភាពយន្តរបស់នាងផ្ទុះល្បីផ្ទួនៗ។

ក្រោយពីខ្សែភាពយន្តធំៗទាំង ៤ របស់ Zoe Saldaña ​ទទួលជោគជ័យនៅលើទីផ្សារភាពយន្តជាសកល នាងក៏ដណ្ដើមបានតំណែងកំពូលជាតារាស្រីរកចំណូលបានច្រើនគេនៅលើ Box Office និងក្លាយជាតារាសម្ដែងលំដាប់ទី២ នៅលើលោក ដែលរកចំណូលបានខ្ពស់បំផុត។

ក្នុងនោះដែរ ភាពយន្តល្បីៗដែលអាចរកចំណូលបានរាប់សិបកោដដុល្លាររបស់តារាសម្ដែងអាមេរិកាំងរូបនេះ រួមមានរឿង “Avatar” វគ្គ១ ឆ្នាំ២០០៩ រកចំណូលបាន ២.៩ពាន់លានដុល្លារ, រឿង “Avengers: Infinity War” ឆ្នាំ២០១៨ រកចំណូលបាន ២.០៥ពាន់លានដុល្លារ, រឿង “Avengers: Endgame” ឆ្នាំ២០១៩ រកចំណូលបាន ២.៨ពាន់លានដុល្លារ និងរឿង “Avatar: The way of water” ឆ្នាំ២០២២ រកចំណូលបាន ២.០២ពាន់លានដុល្លារ៕

ប្រែសម្រួល៖ សន្យា

ចុចអាន៖ តួឯកស្រីភាពយន្ត Avatar ក្លាយជាតារាសម្ដែងរកចំណូលបានខ្ពស់ជាងគេលំដាប់ទី២ ប្រចាំឆ្នាំ២០២៣

ចុចអាន៖ មនុស្ស ៣ នាក់រងរបួស ពេលថតកម្មវិធី Squid Game: The Challenge