តារាកំប្លែង Pete Davidson កោរសក់ចាប់ផ្ដើមជីវិតថ្មី

លោក Pete Davidson បង្អួតរូបរាងថ្មីពេលទៅទស្សនាការប្រកួតបាល់បោះរវាងក្រុម New York Knicks និងក្រុម Los Angeles Lakers កាលពីយប់ថ្ងៃអង្គារ ទី៣១ កន្លងផុតទៅ។ អ្វីដែលមហាជនចាប់អារម្មណ៍លើរូបរាងរបស់លោក នោះគឺតារាកំប្លែងរូបនេះបានកោរសក់។

ឈានចូលវ័យ ២៩ ឆ្នាំ Pete បានកំណត់គោលដៅជាច្រើនដូចជាការលុបសាក់ពីខ្លួនជាង ៧០ រូបមុនអាយុ ៣០ ឆ្នាំដូចដែលមហាជនសង្កេតឃើញក្នុងដំណើរកម្សាន្តជាមួយមិត្តស្រីថ្មីកញ្ញា Chase Sui នៅហាវៃ គឺលោក Pete បានលុបសាក់មួយចំនួនចេញពីស្បែកបណ្ដើរៗហើយ ។

ជាក់ស្ដែងការលុបសាក់របស់លោក គឺបណ្ដាលមកពីបែកគ្នាជាមួយតារាស្រី Kim Kardashian ដូចគ្នាទៅនឹងសក់ដែរព្រោះ Pete និង Kim បានលាបសក់មាសធ្វើជាគូស្នេហ៍ ក្រោយមកក្នុងដំណើរកម្សាន្តនៅហាវៃសក់ក្បាលរបស់ Pete ប្រែទៅជាលាបពណ៌លាយគ្នា ៣-៤ ពណ៌ទៀតទម្រាំដាច់ចិត្តកោរត្រងោលបែបនេះ ។

ជាក់ស្ដែងមិនថាមានសក់ ឬត្រងោលនោះទេតារាកំប្លែង Pete Davidson មិនដែលចោលការពាក់មួកដែលមានតម្លៃ ៤៥ ដុល្លាររបស់លោកឡើយ ៕

ប្រែសម្រួល ៖ វារី

ចុចអាន ៖ Pete Davidson លុបសាក់ចោលអស់ ក្រោយបែកជាមួយ Kim Kardashian