ជីវិតកម្សាន្ដ

សោភា ទេពី បំផុសឲ្យយុវជនខ្មែរគាំទ្រថែរក្សាក្បាច់គុនល្បុក្កតោ

បានផុស

៤ years មុន

នៅ

ថ្ងៃពុធ ១៣ មករា ២០២១

ដោយ

តារាចម្រៀងស្រស់សោភាកញ្ញា សោភា ទេពី កាន់តែធ្វើឲ្យមហាជនគាំទ្រ និងចាប់អារម្មណ៍ថែមទៀត ស្របពេលដែលតារាស្រីរូបនេះ បានបំផុសស្មារតីឲ្យយុវជនខ្មែរ ចូលរួមថែរក្សា និងគាំទ្រ ការពារក្បាច់គុនបុរាណខ្មែរល្បុក្កតោ។

ការប្រកាសរបស់តារាចម្រៀងស្រីកញ្ញា សោភា ទេពី ដោយសារតែសង្កេតឃើញពេលបច្ចុប្បន្នយុវជនខ្មែរមួយចំនួនហាក់មិនសូវចាប់អារម្មណ៍ ឬចូលរួមលើកស្ទួយវិស័យនេះ ឲ្យបានផុសផុលនោះឡើយ។ ជាមួយគ្នានេះដែរ សោភា ទេពី ក៏បានអះអាងថា ខ្លួនស្រលាញ់វិស័យមួយនេះ ហើយសន្យាចូលរួមហ្វឹកហាត់ដើម្បីលើកស្ទួយក្បាច់ល្បុក្កតោខ្មែរផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា សោភា ទេពី បានរៀបរាប់ប្រាប់ពីអារម្មណ៍ខ្លួនថា ល្បុក្កតោជាមរតកកេរ្តិ៍តំណែលជាតិខ្មែរ យើងត្រូវថែរក្សាឲ្យបានគង់វង្ស ខ្ញុំស្រលាញ់ក្បាច់គុនបុរាណខ្មែរ ព្រោះខ្ញុំជាកូនខ្មែរ។ ខ្ញុំត្រូវខំព្យាយាមហ្វឹកហាត់ឲ្យចេះគ្រប់ក្បាច់ដើម្បីលើកស្ទួយវប្បធម៌ និងកុំឲ្យបាត់បង់ និងដើម្បីកម្ចាត់សត្រូវ។

ការអះអាងពីឆន្ទៈរបស់ សោភា ទេពី ក្នុងការចូលរួមចំណែកថែរក្សាការពារក្បាច់គុនបុរាណខ្មែរ ល្បុក្កតោនេះដែរ បានធ្វើឲ្យមហាជនជាច្រើនសម្តែងការគាំទ្រ និងសរសើរឆន្ទៈរបស់នាង ខណៈសព្វថ្ងៃមានយុវវ័យខ្លះតែងមើលរំលង៕

អត្ថបទ ៖ ចាន់រ៉ា