នាយ ពែកមី បកស្រាយជាថ្មីរឿងស្រកសាច់ចុះគី ឡូស្គមខ្លាំង

តារាកំប្លែងមានដើមកំណើតចេញពីទឹកដីខេត្តស្វាយរៀងលោក ចែម ចាន់រ៉ា ហៅនាយ ពែកមី ជាថ្មីម្តងទៀតបានចេញមុខបកស្រាយបន្ទាប់អ្នកគាំទ្រ និងមហាជនមួយចំនួននៅមានមន្ទិលជុំវិញដែលលោកស្រកសាច់ស្គមស្លេកស្លាំងខុសប្លែកពីធម្មតា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កន្លងមកតារាកំប្លែងនាយ ពែកមី ធ្លាប់បានបញ្ជាក់ម្តងហើយថា មូលហេតុដែលធ្វើឲ្យលោកមានការចុះគីឡូក៏ព្រោះតែកាលពីមុនលោកធ្លាប់មានជំងឺលើសជាតិខ្លាញ់(ខ្លាញ់រុំបេះដូង)ទើបធ្វើឲ្យខ្លួនលោកផ្ទាល់ត្រូវតមអាហារតាមការណែនាំរបស់ក្រុមគ្រូពេទ្យដើម្បីថែរក្សាសុខភាព។ លោកថា “ឥឡូវនេះខ្ញុំស្រកសាច់អស់ជាងជិត២០គីឡូ”។

ទោះបីយ៉ាងណានៅមានអ្នកគាំទ្រ និងមហាជនជាច្រើនបន្តការសង្ស័យ និងមានសំនួរទៅកាន់លោកពាក់ព័ន្ធនៃការស្រកគីឡូរបស់នាយ ពែកមីថា អាចពុំមែនជាហេតុផលនៃការតមអាហារនោះទេពោលគឺអាចមានជំងឺអ្វីផ្សេងទៀតទើបធ្វើឲ្យលោកបាក់រូបឆោមបែបនេះ។ បកស្រាយទៅកាន់មហាជននាយ ពែកមី បានបញ្ជាក់ច្បាស់ៗមកថា “បងប្អូនថាខ្ញុំស្គមខ្លាំងហេីយថាខ្ញំឈឺនេះ ឈឺនោះឥឡូវលិទ្ធផលឈាមចេញហេីយ”។

នាយ ពែកមី និយាយថាកាលដែលខ្ញុំទៅពិនិត្យសុ ខភាពដំបូងឡើយដោយសារតែបញ្ហារោយ.កនិងតឹងដៃជើងព្រោះលើសជាតិខ្លាញ់(ខ្លាញ់រុំបេះដូន-ថ្លើម)ទើបបណ្តាលឲ្យខ្ញុំឡើងគីឡូរហូតដល់ជាង៨០គីឡូឯណ្ណោះហើយក្នុងដំណាក់កាលណោះមិន បានព្យាបាលអ្វីទាំងអស់គ្រាន់តែពេទ្យណែនាំគឺយើងកាត់បន្ថយការហូបអាហារណាដែលធ្វើឲ្យឡើង ជាតិខ្លាញ់ខ្លាំង កាត់បន្ថយការហូបស្រាបៀរនិងត្រូវហាត់ប្រាណជាប្រចាំ។

លោកបន្តថា បន្ទាប់មកទៀតលោកត្រូវឆែកសុខភាពជាប្រចាំរៀងរាល់ ៣ ឬ៤ ខែម្តងក្នុងនោះឃើញថា លោកស្រកទម្ងន់អស់ប្រមាណជិត២០គីឡូ។ លោកថាពេលនេះខ្ញុំគ្មានឈឺអីទាំងអស់ថ្លេីម អាសុីតទឹកនោមផ្អែមមួយតួខ្លួនល្អរទាំងអស់ ខ្ញុំស្គមដោយសារខ្ញុំខំថែខ្លួនតមអាហាន និងប្រេីប្រាស់អាហាបំប៉ន។

ដោយឡែងដើម្បីឲ្យដឹងកាន់ច្បាស់បន្ថែមលោក ពែកមី ក៏បានបង្ហាញលទ្ធផលឈាមតាមរយ:ការ ណែនាំរបស់គ្រូពេទ្យជំនាណដោយក្នុងនោះបញ្ជាក់ថា នៅក្នុងខ្លួនរបស់លោកពុំមានជំងឺអ្វីនោះទេពោលគឺសុខភាពនាយ ពែកមី មួយតួខ្លួនល្អទាំងអស់តែម្តង៕

អត្ថបទ៖ ចាន់រ៉ា