ជីវិតកម្សាន្ដ

Mai Davika រងការរិះគន់ថា បង្កើតមាតិកាសប្បាយក្នុងឃ្លិប ដើម្បីដៀមដាមឲ្យតារាគ្នាឯង

បានផុស

៣ years មុន

នៅ

ថ្ងៃចន្ទ ២៧ កុម្ភៈ ២០២៣

ដោយ

មកទល់ពេលនេះ ឃ្លិបវីដេអូរបស់តារាសម្ដែង Mai Davika ជាមួយក្រុមមិត្តរួមជំនាន់ជាមួយនាង កំពុងទទួលការរិះគន់យ៉ាងចាស់ដៃថា បង្កើតមាតិកាមកសម្រាប់តែដៀមដាមឲ្យតារាគ្នាឯងប៉ុណ្ណោះ។

ក្រោយឃ្លិបដែលនាងបង្ហោះលើយូធូប Davikah Channel ដោយណែនាំបញ្ជីមិត្តថ្មីមិនបានប៉ុន្មានផង ស្រាប់តែរងការរិះគន់ពាសពេញប្រទេស ខណៈវគ្គចុងក្រោយនេះមានតារាស្រី៣រូបគឺ Mint Chalida, Mew Nittha និង Margie Rasri មកចូលរួមសន្ទនាដោយបង្កើតបរិយាកាសយ៉ាងសប្បាយរីករាយ។ ទោះយ៉ាងណា អ្នកលេងអ៊ីនធឺណិតមួយចំនួនគិតថា ព្រឹត្តិការណ៍នេះជាខ្លឹមសារដែលមិនគួរឲ្យស្រលាញ់ឬចូលចិត្តសោះ បន្ទាប់ពី Margie Rasri ឆ្លើយសំណួរអំពីបទពិសោធន៍ក្នុងវិស័យកម្សាន្តដែលនាងបានជួបប្រទះ ហើយមិនអាចបំភ្លេចបានថា នាង មិនចង់រួមការងាររជាមួយបុគ្គលនោះម្ដងទៀតទេ ប្រសិនបើត្រូវមានការងារធ្វើជាមួយគ្នាទៀត។ ជាពិសេសបុគ្គលនោះត្រូវមហាជនក្នុងប្រទេសសំដៅដល់តារាស្រី Bella ranee តែម្ដង។

ដោយឡែក ដោយសារតែមតិយោបល់របស់មហាជនរិះគន់យ៉ាងខ្លាំង កាលពីពេលថ្មីៗនេះ Mai Davika បានចេញមុខបង្ហោះលើ Twitter ពីរឿងដែលបានកើតឡើង។ ក្នុងនោះនាងបានបញ្ចាក់ថា “អ្នកទាំងអស់គ្នា ខ្លឹមសារនេះតាមពិតគឺបង្កភាពសប្បាយប៉ុណ្ណោះ! វាជាការចែករំលែកបទពិសោធន៍ជីវិតកាលពីអតីតកាល។ ហើយថ្ងៃនេះ ក្រឡេកមើលទៅក្រោយ វាជាមេរៀនមួយ ពេលនេះយើងបន្តដើរដោយភាពរីករាយ ហើយប្រាប់គ្នាដោយស្នាមញញឹម ដូច្នេះអ្នករាល់គ្នាអាចទស្សន៍ទាយតារាក្នុងវិស័យកម្សាន្តបាន។ ប៉ុន្តែមិនបានបញ្ជាក់ ហើយក៏មិនប្រាប់ថាជានរណាដែរ។ សូមកុំបង្កើតបញ្ហាមកបន្ថែមទៀត”។

ក្រោយមក Mai Davika ក៏បានបង្ហោះចុងក្រោយទៀត “អ្នកខុស ខ្ញុំត្រូវតែទទួលស្គាល់ Davi ពិតជាសោកស្តាយចំពោះខ្លឹមសារនេះ Davi នឹងយកវាទុកជាមេរៀន និងកែលំអ ហើយនឹងឈប់ធ្វើខ្លឹមសារនេះទៀត បើអ្នកណាមិនពេញចិត្តសូមគិតនិងរិះគន់ Davi តែម្នាក់ឯង។ ឈប់យកពួកគេមកទាក់ទងគ្នា ជាចុងក្រោយ Davi អរគុណចំពោះអ្នកដែលយល់ពីបញ្ហមួយនេះ”៕