តារាភេទទី៣ថៃ Fluke Kalon ដែលជា Net Idol ដ៏ល្បីនៅក្នុងប្រទេស បានបង្ហាញរូបរាង និងសម្រស់ថ្មីរបស់ខ្លួន ក្រោយវះកាត់រួចរាល់ និងសម្ងំព្យាបាលអស់រយៈពេលប៉ុន្មានថ្ងៃ នៅប្រទេសកូរ៉េខាងត្បូង។

តារាភេទទី៣ រូបនេះ បានបង្ហោះរូបភាពខ្លួនហោះហើរពីប្រទេសកូរ៉េមកទឹកដីថៃវិញ និងទម្លាយតម្លៃវះកាត់ថា នាងចំណាយប្រាក់អស់ ៣៧លានបាត (ប្រហែល ១.០៨លានដុល្លារអាមេរិក) សម្រាប់ការវះកាត់លើកនេះ។ ទោះយ៉ាងណា ថ្លៃចំណាយនេះ មិនមែនតម្លៃវះកាត់តែមួយមុខនោះទេ វាបូកបញ្ចូលទាំងថ្លៃស្នាក់នៅ និងហូបចុកផងដែរ។

Fluke Kalon បន្ថែមថា នេះមិនមែនជាលើកទីមួយទេដែលនាងទទួលការវះកាត់ ព្រោះកាលពី ៦ឆ្នាំមុន នាងធ្លាប់វះកាត់ច្រមុះម្ដងរួចមកហើយ។ ដោយឡែកសម្រាប់ការវះកាត់លើកទី២នេះ នាងបានវះកាត់ត្រចៀក កាត់ត្របកភ្នែក តម្រង់ច្រមុះ​ ចាក់បបូរមាត់ បូមខ្លាញ់ក្បាលពោះ និងធ្វើដើមទ្រូងឱ្យមានរាងធំជាងមុន។

បន្ទាប់ពីឆ្លងកាត់មុខកាំមុខរួចរាល់ ឃើញថាសម្រស់របស់ Fluke Kalon ពិតជាមានការប្រែប្រួលជាងមុនឆ្ងាយ ដោយនាងកាន់តែស្រស់ស្អាតទ្វេដង៕

ប្រែសម្រួល៖ សន្យា

ចុចអាន៖ មុនគ្រងមកុដ បវរកញ្ញាថៃ Maeya ធ្លាប់ត្រូវគេ Bully តាំងពីតូច