ប្ដីប្រពន្ធ Bin-Jin បង្ហោះរូបគូ អបអរខួបអាពាហ៍៍ពិពាហ៍មួយឆ្នាំ លុបបំបាត់ពាក្យចចាមអារ៉ាមលែងលះ

បន្ទាប់ពីពាក្យចចាមអារ៉ាមលែងលះមួយក្ឌាំង ថ្ងៃនេះតារាសម្ដែង Son Ye Jin ភរិយា Hyun Bin បានបង្ហោះរូបគូស្នេហ៍ដើម្បីអបអរខួបអាពាហ៍ពិពាហ៍គម្រប់មួយឆ្នាំ លុបបំបាត់រឿងអាស្រូវដែលបានចែកផ្សាយកាលពីពេលថ្មីៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គូស្នេហ៍ Son Ye Jin និង Hyun Bin បាន​រៀប​ការ​ កាលពីថ្ងៃទី៣១ ខែមីនា ឆ្នាំ២០២២ បន្ទាប់​ពី​បាន​ទាក់​ទង​គ្នា​ជិត​២​ឆ្នាំ ខណៈបច្ចុប្បន្នពួកគេមានកូនប្រុសម្នាក់ ដែលបានសម្រាលកាលពីខែវិច្ឆិកា ឆ្នាំដដែល។

មួយឬពីរសប្ដាហ៍មុន ស្រាប់តែលេចឮពាក្យចចាមអារ៉ាមថា ប្ដីប្រពន្ធអ្នកទាំងពីរបានលែងលះគ្នា ប៉ុន្តែភ្លាមៗ តារាសម្តែង Hyun Bin បានប្រកាសច្រានចោលនៅពាក្យចចាមអារ៉ាមមិនពិតថា ពួកគេសម្រេចចិត្តលែងលះគ្នា ដែលនេះជាព័ត៌មានក្លែងក្លាយធ្វើឲ្យលោក និងភរិយាមិនសប្បាយចិត្តនោះទេ។

ទោះបីចេញមុខបដិសេធបែបនេះក្ដី ដំណឹងនៃការលែងលះនៅតែបន្តចែករំលែក រហូតមកដល់ថ្ងៃនេះ Son Ye Jin បានបង្ហោះរូបនៅលើផេកផ្ទាល់ខ្លួនរបស់នាង ដែលវាជាថ្ងៃខួបអាពាហ៍ពិពាហ៍មួយឆ្នាំជាមួយស្វាមី ហើយទទួលបានការចាប់អារម្មណ៍ពីទស្សនិកជនយ៉ាងច្រើន។

គេ​អាច​មើល​ឃើញ​ថា គូស្នេហ៍​មួយគូ​នេះ​កំពុង​តែ​រីករាយជាមួយគ្រួសារតូចយ៉ាងខ្លាំង ប្រៀបដូចថ្ងៃនេះជាថ្ងៃរៀប​​មង្គលការដំបូងអ៊ីចឹង​។ រូបភាពមួយសន្លឹករបស់ពួកគេធ្វើឱ្យពាក្យចចាមអារ៉ាមមិនពិតដែលថា គ្រួសាររបស់ Son Ye Jin – Hyun Bin បែកបាក់គ្នា បានចាប់ផ្ដើមរលុបទៅវិញ៕

ប្រែសម្រួល៖ សន្យា

ចុចអាន៖ ក្រោយមានពាក្យចចាមអារ៉ាមលែងលះប្តីប្រពន្ធ Hyun Bin ព្រមានចាត់វិធានការតាមផ្លូវច្បាប់

ចុចអាន៖ IU ប្រកាសប្ដូរឈ្មោះ កុំឱ្យទស្សនិកជនភ័ន្តច្រឡំ