ជីវិតកម្សាន្ដ
ទើបឈ្នះមកុដថ្មីមួយទៀត លីវ ជីលី ត្អូញត្អែរថា ហត់ចិត្ត និងចង់បាក់ទឹកចិត្តម្តងៗហើយ
ម្ចាស់មកុដ Miss Grand Cambodia២០២០ កញ្ញា លីវ ជីលី ដូចដែលមហាជន និងអ្នកគាំទ្របានដឹងហើយថា កាលពីកន្លងទៅនាងបានប្រកាសចូលរួមប្រកួតកម្មវិធី Miss Supranational Cambodia២០២៣ ហើយទីបំផុតកាលពីថ្ងៃទី ០១ ខែមេសា ឆ្នាំ ២០២៣ ថ្មីៗនេះ នាងក៏សម្រេចក្តីស្រមៃរបស់ខ្លួនថែមទៀត គឺដណ្ដើមបានជ័យជំនះដោយឈ្នះមកុដនៅក្នុងការប្រកួតមួយនេះ។
ជាមួយគ្នា នៃការដណ្ដើមបានមកុដថ្មីបន្ថែមទៀតនេះ បវរកញ្ញា លីវ ជីលី ក៏បានសម្ដែងក្តីរំភើប និងត្រេកអរចំពោះនូវអ្វីដែលខ្លួនកំពុងទទួលបាននាពេលនេះ។ ម្យ៉ាងទៀត ជីលី បានថ្លែងការអរគុណទៅកាន់អ្នកគាំទ្រផងដែរ ដែលតែងផ្តល់ការលើកទឹកចិត្ត ហើយគាំទ្រនាងតាំងពីដើមមក។ ប៉ុន្តែក្នុងនោះ ជីលី ហាក់មានអារម្មណ៍មិនសប្បាយចិត្តនូវរឿងខ្លះៗ រហូតនាងចេញមកត្អូញត្អែរថា ហត់ចិត្ត និងចង់បាក់ទឹកចិត្តម្តងៗទៅហើយ។
កញ្ញា លីវ ជីលី បានរៀបរាប់ថា “ខ្ញុំមានអារម្មណ៍រំភើប និងមានមោទនភាពដែលទទួលបានតំណែងមួយនេះ ជាលើកចុងក្រោយសម្រាប់ខ្ញុំហើយ(ហត់ចិត្ត ហត់កាយ ពេលខ្លះក៏សឹងបាក់ទឹកចិត្តម្តងៗ)ហើយ ពេលនេះខ្ញុំបានក្រឡេកឃើញថា វិស័យ ១ នេះ បានរីកចម្រើនមានទំពាំងស្នងឫស្សីក៏ច្រើនហើយដែរ ខ្ញុំនឹងបំពេញក្តីស្រមៃខ្ញុំ(មួយផ្សេងទៀត) ហើយក៏សង្ឃឹមថា អូនៗជំនាន់ក្រោយជោគជ័យលើវិស័យបវរកញ្ញាមួយនេះឲ្យប្រទេសរបស់យើងកាន់តែល្បីនៅលើឆាកអន្តរជាតិ”។
បវរកញ្ញា លីវ ជីលី និយាយទៀតថា អ្វីដែលខ្ញុំលះបង់ គឺដើម្បីបងប្អូន និងប្រទេសជាតិ ជាចុងក្រោយ ខ្ញុំនឹងខិតខំបំពេញតួនាទី ១ នេះ ឲ្យបានល្អបំផុត និងឲ្យអស់ពីសមត្ថភាពដែលខ្ញុំមាន។ ជាមួយគ្នានោះ លីវ ជីលី ក៏បានបញ្ជាក់ទៅកាន់អ្នកគាំទ្រដែរថា នាងប្រកួតតែម្ដងនេះទៀតទេ ហើយដំបូងឡើយ នាងគិតថា នឹងខំរៀនភាសាអង់គ្លេស ២ ឆ្នាំ បន្តចូលប្រកួត Miss Universe តែដោយសារឥឡូវនេះហត់ពេក និងចាប់ក្តីស្រមៃមួយផ្សេងទៀតក្រៅពីនេះវិញ៕
អត្ថបទ ៖ ចាន់រ៉ា
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សន្តិសុខសង្គម៨ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ